បរទេស៖ យោងតាមការចេញផ្សាយរបស់ RT អតីតប្រធានាធិបតីអាមេរិក លោក Donald Trump បានព្រមានថា អ៊ីស្រាអែល កំពុងបាត់បង់ការគាំទ្រយ៉ាងច្រើន ហើយត្រូវតែ បញ្ចប់ សង្គ្រាមរបស់ខ្លួននៅតំបន់ហ្គាហ្សា មុនពេលកេរ្តិ៍ឈ្មោះរបស់ខ្លួនធ្លាក់ចុះបន្ថែមទៀតដែល ការលើកឡើងនេះត្រូវបានគេមើលឃើញថា គឺជារឿងដ៏កម្រនៃការរិះគន់រដ្ឋជ្វីហ្វដោយលោក Trump។
នៅក្នុងបទសម្ភាសន៍ជាមួយអ៊ីស្រាអែល Hayom បានចេញផ្សាយមួយផ្នែកកាលពីថ្ងៃចន្ទ លោក Trump បាននិយាយថា លោកនឹងធ្វើតាមរបៀបដូចគ្នាទៅនឹងអ្នកបានធ្វើ ប្រសិនបើសហរដ្ឋអាមេរិកត្រូវបាន វាយប្រហារដូចអ៊ីស្រាអែលត្រូវបានក្រុមហាម៉ាស់ នៅក្នុងខែតុលាហើយ លោក Trump បានបន្ថែមថា មានតែមនុស្សល្ងង់ទេដែលមិនធ្វើដូច្នេះ ទោះជាយ៉ាងណាក៏ដោយ លោក Trump បានហៅការបំផ្លិចបំផ្លាញផ្ទះជនស៊ីវិល នៅហ្គាហ្សារបស់អ៊ីស្រាអែលថា ជាកំហុសដ៏ធំមួយ ។
លោក Trump បានបន្តទៀតថា៖ វាជារូបភាពអាក្រក់ណាស់ សម្រាប់ពិភពលោកហើយ ពិភពលោកកំពុងតែមើលឃើញរឿងនេះ ជារៀងរាល់យប់ ខ្ញុំនឹងមើលឃើញអគារជាច្រើនកិនសង្កត់ជាន់លើមនុស្ស ។
គួរឲ្យដឹងដែរថា លោកTrump គឺជាសម្ព័ន្ធមិត្តជិតស្និទ្ធ របស់នាយករដ្ឋមន្ត្រីអ៊ីស្រាអែល Benjamin Netanyahu ក្នុងអំឡុងពេលអាណត្តិ របស់គាត់នៅក្នុងសេតវិមាន ហើយបានពណ៌នាគាត់ថាជា ប្រធានាធិបតីអាមេរិកដែលគាំទ្រ អ៊ីស្រាអែលបំផុតក្នុងប្រវត្តិសាស្ត្រ។ លោកបានដាក់ទណ្ឌកម្មលើប្រទេសអ៊ីរ៉ង់ តាមសំណើរបស់លោក Netanyahu ផ្លាស់ប្តូរស្ថានទូតអាមេរិកនៅអ៊ីស្រាអែល ទៅកាន់ទីក្រុងហ្សេរុយសាឡឹមខាងលិច និងបានបំបែកកិច្ចព្រមព្រៀង Abraham ដែលមើលឃើញថាអ៊ីស្រាអែលធ្វើឱ្យមាន
ទំនាក់ទំនងធម្មតាជាមួយបារ៉ែន អារ៉ាប់រួម ម៉ារ៉ុក និងស៊ូដង់៕
ប្រែសម្រួល៖ ស៊ុន លី
