បរទេស៖ យោងតាមការចេញផ្សាយរបស់ RT ការធ្វើតេស្តតាមដានសារធាតុគ្រឿងញៀន ត្រូវបានគេរាយការណ៍ថា ត្រូវបានគេរកឃើញនៅក្នុងសំណាកឈាម ដែលយកពីជនសង្ស័យទាំង ៤នាក់ ដែលជាអ្នកវាយប្រហារភេរវកម្មកាលពីសប្តាហ៍មុន នៅឯសាលប្រគុំតន្ត្រីរុស្ស៊ីក្បែរទីក្រុងមូស្គូ។
ការអះអាងនេះបានកើតឡើង កាលពីថ្ងៃព្រហស្បតិ៍ពីសារព័ត៌មានអនឡាញ Baza ដែលបានលើកឡើងពីប្រភពអនាមិក ដែលរាយការណ៍ថាមានព័ត៌មាន ខាងក្នុងអំពីការស៊ើបអង្កេតកំពុងបន្ត លើការសម្លាប់រង្គាលនៅសាលាក្រុង Crocus។
ជនសង្ស័យ៤នាក់ ត្រូវបានចាប់ខ្លួនប៉ុន្មានម៉ោង បន្ទាប់ពីការផ្ទុះឡើងដែលបាន ឆក់យកជីវិតមនុស្សជាង ១៤៣នាក់ ហើយសារព័ត៌មាន Baza បានអះអាងថា ពួកគេទាំងអស់មានសារធាតុញៀន បែបចិត្តសាស្ត្រនៅក្នុងឈាមរបស់ពួកគេ ដែលវាផ្លាស់ប្តូរការយល់ឃើញពីការពិត និងអះអាងថាពួកគេយល់ថាពួកគេបាន លេបថ្នាំស្គាល់ឈ្មោះមុនពេលមានការ វាយប្រហារដោយកាំភ្លើងនិងការដុត។
ក្រុមអ្នកស៊ើបអង្កេតក៏ត្រូវបាន គេរាយការណ៍ថាបានកំណត់អត្តសញ្ញាណ ម៉ាស៊ីនបូមសាំងដែលជាកន្លែងដែល ក្រុមនេះបានបំពេញរថយន្ត របស់ពួកគេមួយថ្ងៃមុនពេលការវាយប្រហារដោយ ពួកគេបានប្រើរថយន្តដូចគ្នា ដើម្បីបើកទៅសាលតន្ត្រី Crocus ហើយចេញប្រហែល ១៥ នាទីក្រោយមក៕
ប្រែសម្រួល៖ ស៊ុន លី
