ប៉េកាំង៖ បេសកជនចិន នៅថ្ងៃព្រហស្បតិ៍ម្សិលមិញនេះ បានព្រមានប្រឆាំងនឹងការរឹតបន្តឹងទណ្ឌកម្មប្រឆាំងនឹងកូរ៉េខាងជើង នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ស្ថានភាពបច្ចុប្បន្ននៅលើឧបទ្វីបកូរ៉េ ត្រូវបានកំណត់លក្ខណៈដោយភាពតានតឹងជាប់លាប់ និងការប្រឈមមុខដាក់គ្នា ដែលកំពុងកើនឡើង ដែលបម្រើផលប្រយោជន៍របស់នរណាម្នាក់។ លោក Geng Shuang អនុតំណាងអចិន្ត្រៃយ៍របស់ចិនប្រចាំអង្គការសហប្រជាជាតិ បានឲ្យដឹងថា នេះជារឿងចុងក្រោយ ដែលចិនចង់ឃើញ។
ការដោះស្រាយបញ្ហានេះមិនអាចផ្តាច់ចេញពីការទុកចិត្តគ្នាខាងនយោបាយ និងបរិយាកាសអំណោយផលបានទេ។ ការបង្កើនការដាក់ទណ្ឌកម្មដោយខ្វាក់ភ្នែក និងការបន្លិចសម្ពាធនឹងមិនអាចជួយដោះស្រាយបញ្ហាបាននោះទេ។ វានឹងគ្រាន់តែជាការប្រឆាំង។
លោកបានលើកឡើងថា ការបណ្ដោយខ្លួនទៅក្នុងសម្ព័ន្ធភាពយោធា និងការឈ្លក់វង្វេងនឹងការប្រឈមមុខដាក់គ្នាខាងយោធានឹងកាន់តែធ្វើឱ្យការប្រឆាំង និងភាពតានតឹងកាន់តែខ្លាំងឡើង ដែលធ្វើឲ្យគោលដៅនៃការរំសាយអាវុធនុយក្លេអ៊ែរនៅឧបទ្វីបកូរ៉េ និងការរក្សាសន្តិភាព និងស្ថិរភាពកាន់តែពិបាក។
លោកបន្ដថា “ចិន អំពាវនាវជាថ្មីម្តងទៀត ដល់ភាគីទាំងអស់ ឱ្យប្រកាន់យកនូវវិធីសាស្រ្តសមហេតុផល និងជាក់ស្តែង រក្សាការប្តេជ្ញាចិត្ត ចំពោះដំណោះស្រាយនយោបាយ បន្តទំនាក់ទំនង កសាងទំនុកចិត្តគ្នាទៅវិញទៅមក ចាប់ផ្តើមការសន្ទនាឡើងវិញឱ្យបានឆាប់តាម ដែលអាចធ្វើទៅបាន និងធ្វើបន្ថែមទៀត ដើម្បីសន្តិភាព និងស្ថិរភាពនៅលើឧបទ្វីប រួមទាំងក្រុមប្រឹក្សាសន្តិសុខផងដែរ គួរតែបង្កើតបរិយាកាសអំណោយផលដល់ទីបញ្ចប់នេះ” លោកបានឲ្យដឹងនៅក្នុងការពន្យល់ នៃការបោះឆ្នោតបន្ទាប់ពីក្រុមប្រឹក្សា សន្តិសុខ បានបោះឆ្នោតលើសេចក្តីព្រាងសេចក្តីសម្រេចពន្យារអាណត្តិ នៃក្រុមអ្នកជំនាញ ដែលជួយដល់គណៈកម្មាធិការដាក់ទណ្ឌកម្មកូរ៉េខាងជើង ៕
ប្រែសម្រួល ឈូក បូរ៉ា
