យេរ៉ូសាឡឹម៖ កាលពីថ្ងៃពុធ លោក Benny Gantz សមាជិកគណៈរដ្ឋមន្ត្រីសង្រ្គាមអ៊ីស្រាអ៊ែល បានអំពាវនាវឱ្យមានការបោះឆ្នោតជាតិក្នុងខែកញ្ញា ខណៈដែលរដ្ឋាភិបាលរបស់នាយករដ្ឋមន្ត្រី Benjamin Netanyahu ប្រឈមមុខនឹងសម្ពាធក្នុងប្រទេស និងក្រៅប្រទេសជុំវិញសង្គ្រាមនៅតំបន់ហ្គាហ្សា ។
លោក Gantz បានថ្លែងនៅក្នុងសន្និសីទទូរទស្សន៍មួយថា “យើងត្រូវតែយល់ព្រមលើកាលបរិច្ឆេទ សម្រាប់ការបោះឆ្នោតនៅក្នុងខែកញ្ញា ដើម្បីឆ្ពោះទៅរកការបញ្ចប់សង្រ្គាម១ឆ្នាំ ប្រសិនបើអ្នកនឹង” ។ “ធ្វើការកំណត់កាលបរិច្ឆេទបែបនេះនឹងអនុញ្ញាតឱ្យយើង បន្តកិច្ចខិតខំប្រឹងប្រែងយោធា ខណៈដែលផ្តល់សញ្ញាដល់ពលរដ្ឋអ៊ីស្រាអ៊ែល ថាយើងនឹងបន្តការជឿទុកចិត្ត របស់ពួកគេឡើងវិញក្នុងពេលឆាប់ៗនេះ” ។
ប្រជាជនអ៊ីស្រាអ៊ែល រាប់ពាន់នាក់បានដើរបង្ហែរ តាមដងផ្លូវក្នុងប៉ុន្មានថ្ងៃថ្មីៗនេះ ទាមទារការបោះឆ្នោតថ្មី។ មនុស្សជាច្រើនបានរិះគន់លោក Netanyahu និងបានសម្តែងការខឹងសម្បារ ចំពោះការគ្រប់គ្រងរបស់រដ្ឋាភិបាលរបស់គាត់ ចំពោះចំណាប់ខ្មាំងអ៊ីស្រាអ៊ែលចំនួន ១៣៤នាក់ ដែលនៅតែត្រូវបានឃុំខ្លួននៅក្នុងតំបន់ហ្គាហ្សា រយៈពេល៦ខែនៅក្នុងការ បង្កើតឲ្យមានសង្រ្គាម ៕
ប្រែសម្រួលដោយ៖ ម៉ៅ បុប្ផាមករា