បរទេស៖ នាយកប្រតិបត្តិក្រុមហ៊ុន Tesla លោក Elon Musk បានច្រានចោលរបាយការណ៍ របស់សារព័ត៌មាន Reuters ដែលអះអាងថា ក្រុមហ៊ុនផលិតរថយន្តអាមេរិកមួយនេះ បានលុបចោលគម្រោងសម្រាប់រថយន្តតម្លៃទាប ដោយសារការប្រកួតប្រជែងដ៏ខ្លាំងក្លា ពីក្រុមហ៊ុនផលិតរថយន្តអគ្គិសនីចិន (EV) ។
យោងតាមសារព័ត៌មាន RT ចេញផ្សាយនៅថ្ងៃទី៥ ខែមេសា ឆ្នាំ២០២៤ បានឱ្យដឹងថា កាលពីថ្ងៃសុក្រ ទីភ្នាក់ងារសារព័ត៌មាន Reuters បានសរសេរដោយដកស្រង់ ប្រភពដែលដឹងពីបញ្ហានេះ និងសាររបស់ក្រុមហ៊ុនថា ក្រុមហ៊ុនផលិតរថយន្តនឹងផ្តោតលើការ អភិវឌ្ឍរថយន្តតាក់ស៊ីដែលបើកបរដោយខ្លួនឯង ជំនួសឱ្យការស្វែងរកគោលដៅ យូរអង្វែងរបស់លោក Musk ក្នុងការនាំយករថយន្តអគ្គិសនីដែលមាន តម្លៃសមរម្យដល់មហាជន។
លោក Musk បានសរសេរនៅលើ X (អតីត Twitter) ដោយអត្ថាធិប្បាយលើការបង្ហោះ អំពីរបាយការណ៍របស់សារព័ត៌មាន Reuters ថា “Reuters កំពុងនិយាយកុហក (ម្តងទៀត)” ។
យោងតាម Reuters រថយន្តដែលលែងដំណើរការ ជួនកាលត្រូវបានពិពណ៌នាថាជា Model 2 ត្រូវបានគេសន្មត់ថាមានតម្លៃចាប់ពី 25,000 ដុល្លារ។
ប្រភពបានអះអាងថា ពួកគេបានដឹងពីការសម្រេចចិត្តរបស់ក្រុមហ៊ុន Tesla ក្នុងការលុបចោល Model 2 នៅក្នុងកិច្ចប្រជុំមួយដែលមាន ការចូលរួមដោយបុគ្គលិកជាច្រើន ដែលម្នាក់ក្នុងចំណោមនោះបានអះអាងថា ការជួបជុំនេះបានកើតឡើងនៅចុងខែកុម្ភៈ ៕
ប្រែសម្រួលៈ ណៃ តុលា
