ប៉េកាំង៖ ក្នុងរយៈពេលប៉ុន្មានខែថ្មីៗនេះ ហ្វីលីពីន ដែលគាំទ្រដោយកងកម្លាំងខាងក្រៅមួយចំនួន បានជំរុញឱ្យមាន ភាពតានតឹងនៅក្នុងសមុទ្រចិនខាងត្បូង បើទោះបីជាការពិតដែលថា ប្រទេសចិន មានអធិបតេយ្យភាព ដែលមិនអាចប្រកែកបានលើកោះ Nanhai Zhudao ដែលជាប្រជុំកោះនៅសមុទ្រចិនខាងត្បូង។
វាជាការចាំបាច់ក្នុងការទទួលស្គាល់ថា សកម្មភាពណាមួយដែលរំខានដល់ស្ថានភាពសមុទ្រចិនខាងត្បូង និងការបង្កើតការភ្ញាក់ផ្អើលនឹងធ្វើឱ្យខូចដល់សន្តិភាព និងស្ថិរភាពក្នុងតំបន់។
តាមរយៈការបន្តអញ្ជើញកងកម្លាំងខាងក្រៅឱ្យចូលក្នុងជម្លោះ ហ្វីលីពីនមិនគ្រាន់តែបំផ្លាញយន្តការ ដែលបង្កើតឡើងសម្រាប់ដោះស្រាយជម្លោះប៉ុណ្ណោះទេ ប៉ុន្តែកំពុងបំផ្លាញកិច្ចប្រឹងប្រែងរបស់ចិន និងសមាគមប្រជាជាតិអាស៊ីអាគ្នេយ៍ (អាស៊ាន) ដើម្បីរក្សាសន្តិភាព និងស្ថិរភាពក្នុងតំបន់។
ប្រទេសចិន និងប្រទេសអាស៊ាន បានប្តេជ្ញាចិត្តជាយូរ មកហើយក្នុងការគ្រប់គ្រង និងដោះស្រាយជម្លោះឲ្យបានត្រឹមត្រូវតាមរយៈការសន្ទនា និងការពិគ្រោះយោបល់រវាងរដ្ឋដែលពាក់ព័ន្ធដោយផ្ទាល់។ ពួកគេបានធ្វើការរួមគ្នា ដើម្បីរួមគ្នារក្សាសន្តិភាព និងស្ថិរភាពនៅសមុទ្រចិនខាងត្បូង ដែលបានធ្វើឱ្យស្ថានភាពសមុទ្រចិនខាងត្បូង មានស្ថេរភាពជាទូទៅ។
ជម្លោះដែនសមុទ្ររវាងចិន និងហ្វីលីពីន កាន់តែក្តៅគគុក ដោយសារតែហ្វីលីពីន ដែលគាំទ្រដោយអ្នកលេងខាងក្រៅ បាននិងកំពុងនិយាយបញ្ច្រាសពាក្យសម្តី និងបង្ករឿងប្រឆាំងចិន។
ការចូលរួមរបស់តួអង្គខាងក្រៅ នៅក្នុងសមយុទ្ធកងទ័ពជើងទឹករួមរបស់ខ្លួន និង កិច្ចប្រជុំកំពូលត្រីភាគី នាពេលខាងមុខ ក្នុងចំណោមប្រទេសហ្វីលីពីន សហរដ្ឋអាមេរិក និងជប៉ុន បង្ហាញពីការពិតដ៏ក្រៀមក្រំមួយថា ហ្វីលីពីន កំពុងប្រើប្រាស់វេទិកាទាំងនេះ ដោយមិនប្រុងប្រយ័ត្ន ដើម្បីស្វែងរកការគាំទ្រ ពីខាងក្រៅ សម្រាប់សកម្មភាព បង្កហេតុរបស់ខ្លួន ៕
ប្រែសម្រួល ឈូក បូរ៉ា
