បរទេស៖ យោងតាមការចេញផ្សាយរបស់ RT ឯកអគ្គរដ្ឋទូតអាមេរិកប្រចាំប្លុកណាតូ ដែលដឹកនាំដោយសហរដ្ឋអាមេរិកលោកស្រី Julianne Smith បាននិយាយកាលពីថ្ងៃចន្ទថា ប្រទេសចំនួន ១២នៅ មិនទាន់បានបំពេញតាមការសន្យា ក្នុងការចំណាយ ២ភាគរយនៃ GDP របស់ពួកគេលើវិស័យការពារជាតិនៅឡើយទេ។
អង្គការណាតូបានកំណត់គោលដៅ ពីរភាគរយនៅក្នុងឆ្នាំ២០១៤ បន្ទាប់ពីរដ្ឋប្រហារដែលគាំទ្រ ដោយសហរដ្ឋអាមេរិកនៅក្នុងទីក្រុងគៀវ បានឈានដល់ជម្លោះ Donbass ។ សមាជិកទាំងអស់ត្រូវបានគេសន្មត់ថាបង្កើត ការចែករំលែកបន្ទុក ជាគោលក្នុងរយៈពេលមួយទសវត្សរ៍ខាងមុខ។
លោកស្រីSmithបាននិយាយ នៅក្នុងសុន្ទរកថា នៅសាកលវិទ្យាល័យ Georgetown ក្នុងទីក្រុងវ៉ាស៊ីនតោនថា៖ ឥឡូវនេះយើងមានសម្ព័ន្ធមិត្តចំនួន២០ ដែលកំពុងបំពេញតាមការសន្យា ២ភាគរយនោះគឺជា ការកើនឡើងគួរឱ្យកត់សម្គាល់ក្នុង រយៈពេលមួយទសវត្សរ៍ហើយពិតណាស់ យើងចង់ឲ្យវាមានទាំង ៣២ ហើយយើងនឹងបន្តជំរុញរហូតដល់ យើងទៅដល់ទីនោះ។
ទោះបីជាយ៉ាងណាក្តីវាមិនច្បាស់ទេ ថាតើទិន្នន័យណាដែលលោកស្រីបានអះអាង ពឹងផ្អែកលើអ្វីហើយគិតត្រឹមខែកុម្ភៈឆ្នាំនេះ ការប៉ាន់ប្រមាណនៃការ ចំណាយយោធាឆ្នាំ២០២៣ នៅតែបង្ហាញថាប្រទេសជាសមាជិកចំនួន១១ ប៉ុណ្ណោះដែលបានសម្រេចគោលដៅ ២ភាគរយ ខណៈដែល១៨ប្រទេសទៀតនៅទាបជាងនៅឡើយ រួមមានទាំងប្រទេសបារាំង ហូឡង់ ន័រវែស ដាណឺម៉ាក អ៊ីតាលី កាណាដា តួគគី និងអេស្បាញផងដែរ៕
ប្រែសម្រួល៖ ស៊ុន លី
