បរទេស៖ យោងតាការចេញផ្សាយរបស់ RT ប្រធានាធិបតី Vladimir Zelensky បានអះអាងថា ការវាយលុកទ្រង់ទ្រាយធំរបស់ អ៊ុយក្រែនកាលពីឆ្នាំមុន ទំនងជាត្រូវបានរារាំងដោយសារតែ ចារកម្មរុស្ស៊ីដែលកំពុងប្រតិបត្តិការនៅទីក្រុងគៀវ ហើយទោះបីជាយ៉ាងណាក្តី លោកប្រធានាធិបតី បានអះអាង លោកនឹងសន្យាថាការវាយលុកលើកក្រោយម្តងទៀត ដើម្បីទទួលបានជោគជ័យឡើងវិញ។
នៅក្នុងបទសម្ភាសន៍ជាមួយ ក្រុមហ៊ុនសារព័ត៌មានអាល្លឺម៉ង់ Axel Springer ដែលត្រូវបានបោះពុម្ពផ្សាយដោយ Politico និងសារព័ត៌មានផ្សេងទៀតកាលពីថ្ងៃអង្គារ លោក Zelensky បានសារភាពថា ការវាយប្រហារដោយយោធារបស់ ទីក្រុងគៀវកាលពីឆ្នាំមុនដែលបានចាប់ផ្តើមកាលពីខែមិថុនា មុននឹងមានការជាប់គាំង នៅក្នុងវិស័យការពារជាតិរុស្ស៊ី មិនទទួលបានជោគជ័យខ្លាំងនោះទេ។
មេដឹកនាំអ៊ុយក្រែននេះបានផ្តល់យោបល់ថា ការបំផ្លិចបំផ្លាញពីខាងក្នុងគឺ មូលហេតុនៃការបរាជ៧យហើយ គាត់បាននិយាយថា ជនជាតិរុស្ស៊ីបានដឹងពីកន្លែងដែលយើង នឹងវាយប្រហារជាមុន ដោយបន្ថែមថា ប្រវត្តិសាស្រ្តនឹងប្រាប់ ពីរបៀបដែលទីក្រុងម៉ូស្គូអាចស្ទាក់ចាប់ផែនការ របស់គៀវនៅពេលខាងមុខណាមួយ។
លោកZelensky ក៏បានព្រមានអ្នកគាំទ្រលោកខាងលិច របស់អ៊ុយក្រែនថា វានឹងក្លាយជាកំហុសធ្ងន់ធ្ងរក្នុងការ បញ្ឈប់ការបញ្ជូនអាវុធនៅចំណុចនេះដោយលោកប្រធានាធិបតីបាន ទទួលស្គាល់កាលពីដើមខែនេះថា អ៊ុយក្រែន មិនមានគ្រាប់គ្រប់គ្រាន់ សម្រាប់សកម្មភាពវាយលុកទេហើយថា ខ្លួនអាចគ្រប់គ្រងបានត្រឹមតែការប៉ះប៉ូវ សម្រាប់ឱនភាពគ្រាប់រំសេវជាមួយ យន្តហោះគ្មានមនុស្សបើកប៉ុណ្ណោះ ៕
ប្រែសម្រួល៖ ស៊ុន លី
