បរទេស៖យោងតាមការចេញផ្សាយរបស់RT អ្នកនាំពាក្យសេតវិមានលោក John Kirby បានប្រាប់អ្នកសារព័ត៌មានកាលពីថ្ងៃចន្ទថា សហរដ្ឋអាមេរិក នឹងមិនបាញ់ទម្លាក់យន្តហោះគ្មានមនុស្សបើក និងមីស៊ីលរបស់រុស្ស៊ី ដែលបានបាញ់មកលើប្រទេសអ៊ុយក្រែន ផ្ទុយទៅនឹងរបៀបដែលកងកម្លាំងអាមេរិក បានការពារអ៊ីស្រាអែលពីការវាយប្រហាររបស់អ៊ីរ៉ង់កាលពីចុងសប្តាហ៍មុននោះទេ។
សហរដ្ឋអាមេរិក ចក្រភពអង់គ្លេស និងបារាំងបានជួយអ៊ីស្រាអែល វាយលុករបាំងដ៏ធំដែលធ្វើឡើងដោយអ៊ីរ៉ង់ ជាការសងសឹកចំពោះអ្វីដែលទីក្រុងតេហរ៉ង់បាននិយាយថា គឺជាការវាយប្រហាររបស់អ៊ីស្រាអែលទៅលើស្ថានកុងស៊ុលរបស់ខ្លួននៅទីក្រុងដាម៉ាសកាលពីដើម ខែនេះដោយក្នុងនោះលោក Kirby ត្រូវបានគេសួរក្នុងអំឡុងពេលនៃការសង្ខេបប្រចាំថ្ងៃថាតើយុទ្ធសាស្ត្រដូចគ្នានេះ អាចត្រូវបានប្រើក្នុងជម្លោះអ៊ុយក្រែនដែរឬទេ។
មហាអំណាចលោកខាងលិចបាន សន្យាផ្តល់ជំនួយដល់ក្រុងគៀវដរាបណារដ្ឋាភិបាលនេះ ត្រូវការដើម្បីកម្ចាត់រុស្ស៊ីប៉ុន្តែទោះយ៉ាងណាក៏ដោយ ពួក គេបានបដិសេធម្តងហើយម្តងទៀតនូវគំនិតនៃការចូលរួមដោយផ្ទាល់ជា មួយកងកម្លាំងរុស្ស៊ី។
គួរឲ្យដឹងដែរថាមកដល់ពេលនេះសូម្បីតែរដ្ឋាភិបាលបារាំង ដែលមិនបានច្រានចោលការពង្រាយទ័ពទៅ កាន់អ៊ុយក្រែននោះដែរហើយបាន បញ្ជាក់យ៉ាងច្បាស់ថា បេសកកម្មសម្មតិកម្មណាមួយគឺដើម្បីបន្ធូរបន្ថយទាហានអ៊ុយក្រែនពីកាតព្វកិច្ចមិនប្រយុទ្ធ ដូច្នេះក្រុងកៀវអាច បញ្ជូនទាហានរបស់ខ្លួនបន្ថែមទៀតទៅកាន់ជួរមុខទៀតផង៕
ប្រែសម្រួល៖ស៊ុនលី
