តូក្យូ៖ ប្រទេសជប៉ុន នៅថ្ងៃសុក្រនេះ បានចាប់ផ្តើមជុំទី៥ នៃការបញ្ចេញទឹកសំណល់ ដែលបំពុលដោយនុយក្លេអ៊ែរ ចេញពីរោងចក្រថាមពលនុយក្លេអ៊ែរ Fukushima Daiichi ដែលខូចចូលទៅក្នុងមហាសមុទ្រប៉ាស៊ីហ្វិក។
ទោះបីជាមានការប្រឆាំង ក្នុងចំណោមអ្នកនេសាទក្នុងស្រុកក៏ដោយ អ្នកស្រុក ក៏ដូចជាការរិះគន់ពីសហគមន៍អន្តរជាតិ ក្រុមហ៊ុនថាមពលអគ្គិសនីតូក្យូ (TEPCO) ដែលជាប្រតិបត្តិកររោងចក្របានចាប់ផ្តើម បញ្ចេញទឹកសំណល់វិទ្យុសកម្មនៅពេលព្រឹក ដែលជាជុំទីមួយក្នុងសារពើពន្ធឆ្នាំ២០២៤។
ស្រដៀងគ្នាទៅនឹងបួនជុំមុនដែរ ទឹកសំណល់ប្រហែល ៧,៨០០តោន ដែលនៅតែមានផ្ទុកសារធាតុ Tritium ដែលជាសារធាតុវិទ្យុសកម្ម នឹងត្រូវបញ្ចេញរហូតដល់ថ្ងៃទី០៧ ខែឧសភា។
ក្រុមហ៊ុន TEPCO នឹងវាស់វែងកំហាប់នៃសារធាតុវិទ្យុសកម្មដូចជា សារធាតុ tritium នៅក្នុងទឹកជុំវិញជារៀងរាល់ថ្ងៃក្នុងអំឡុងពេលនេះ ដើម្បីស៊ើបអង្កេតផលប៉ះពាល់នៃការចេញផ្សាយ។
ឧស្សាហកម្មជលផល និងអ្នកស្រុកបានជំទាស់ជាយូរណាស់ មកហើយនូវផែនការបញ្ចេញចោល។ អ្នកនេសាទ និងអ្នកស្រុកប្រហែល ១៥០នាក់មកពីខេត្តហ្វូគូស៊ីម៉ា និង Miyagi បានដាក់ពាក្យបណ្តឹងប្រឆាំងនឹង រដ្ឋាភិបាលជប៉ុន និងក្រុមហ៊ុន TEPCO នៅតុលាការស្រុកហ្វូគូស៊ីម៉ា កាលពីថ្ងៃទី៨ ខែកញ្ញា ឆ្នាំ២០២៣ ដោយទាមទារឱ្យពួកគេ បញ្ឈប់ការបញ្ចេញទឹកកខ្វក់នុយក្លេអ៊ែរ ចូលទៅក្នុងមហាសមុទ្រ ៕
ប្រែសម្រួល ឈូក បូរ៉ា
