បរទេស៖ មន្ត្រីអង់គ្លេសបានចោទប្រកាន់ជាផ្លូវការបុរសពីរនាក់កាលពីថ្ងៃសុក្រពីបទធ្វើចារកម្ម ឬ យកការណ៍ក្នុងនាមប្រទេសចិនជាចុងក្រោយនៅក្នុងការចាប់ខ្លួនអឺរ៉ុបជាបន្តបន្ទាប់នៃភ្នាក់ងារចារកម្មចិនដែលសង្ស័យ។
យោងតាមសារព័ត៌មាន VOA ចេញផ្សាយនៅថ្ងៃទី២៦ ខែមេសា ឆ្នាំ២០២៤ បានឱ្យដឹងថា បុរសពីរនាក់នោះគឺឈ្មោះ Christopher Cash និង Christopher Berry ត្រូវបានចោទប្រកាន់ពីបទរំលោភលើច្បាប់សម្ងាត់ផ្លូវការដោយ “ផ្តល់ព័ត៌មានលម្អៀងដល់រដ្ឋបរទេសប្រទេសចិន” ចន្លោះឆ្នាំ២០២១ និងខែកុម្ភៈ ឆ្នាំ ២០២៣។
ការចាប់ខ្លួនរបស់ពួកគេកាលពីថ្ងៃចន្ទបានកើតឡើងស្របពេលដែលអាជ្ញាធរអាល្លឺម៉ង់បានចាប់ខ្លួនមនុស្សបីនាក់ដែលសង្ស័យថា បានធ្វើចារកម្មឱ្យប្រទេសចិន និងការលេចធ្លាយព័ត៌មានអំពីបច្ចេកវិទ្យាយោធា។ អាជ្ញាធរអាល្លឺម៉ង់បានចាប់ខ្លួនដោយឡែកពីគ្នាដោយឡែកពីជំនួយការរបស់សមាជិកសភាអឺរ៉ុបស្តាំនិយមម្នាក់ផងដែ។
ស្ថានទូតចិននៅទីក្រុងឡុងដ៍ ចក្រភពអង់គ្លេសបាននិយាយថា ការចោទប្រកាន់ចំពោះមុខ លោក Cash និង Berry គឺ “ប្រឌិតទាំងស្រុង” និង “ការបង្កាច់បង្ខូចព្យាបាទ” ដែលជាផ្នែកមួយនៃ “ឧបាយកលនយោបាយប្រឆាំងចិន” របស់អង់គ្លេស៕ ប្រែសម្រួលៈ ណៃ តុលា
