បរទេស៖ យោងតាមការចេញផ្សាយ របស់ RT ទាហានម្នាក់ដែលបម្រើការ ជាមួយកងវរសេនាធំAzov ដ៏ល្បីល្បាញ បានប្រាប់ប្រព័ន្ធផ្សព្វផ្សាយព័ត៌មាន អនឡាញ TSN ក្នុងស្រុកថា ការទប់ទល់នឹង ការបន្តពង្រាងយោធានៅក្នុងប្រទេសអ៊ុយក្រែន បានឈានដល់ទម្រង់ធ្ងន់ធ្ងរមួយចំនួន ហើយគាត់បានសារភាពទៀតថា គ្មាននរណាម្នាក់ មានឆន្ទៈ ដើម្បីទៅប្រយុទ្ធ នៅជួរមុខទេ។
បុរសដែលត្រូវបានស្គាល់ អត្តសញ្ញាណដោយឈ្មោះ ហៅក្រៅប្រយុទ្ធរបស់គាត់ ‘Niko’ បាននិយាយថាគាត់ នៅតែបន្តប្រយុទ្ធ ទោះបីជាមានរបួសយ៉ាងធ្ងន់ធ្ងរ និងបាត់បង់ជើងរបស់គាត់ នៅក្នុងការប្រយុទ្ធមួយ ដោយសារតែគ្មាននរណាម្នាក់ អាចជំនួសគាត់បានហើយនេះ គាត់បានប្រាប់ TSN ថា “គ្មាននរណាម្នាក់មានឆន្ទៈ ចូលរួមជាមួយកង កម្លាំងប្រដាប់អាវុធ នៃប្រទេសអ៊ុយក្រែន នាពេលបច្ចុប្បន្ននេះទេ ។
ទាហានរូបនេះបាននិយាយថា មនុស្សទាំងនោះនឹង ធ្វើអ្វីគ្រប់យ៉ាងដែលពួកគេមកជាមួយ ដើម្បីគេចចេញពីសេចក្តីព្រាងយោធា រួមទាំង ដែលការព្យាយាមគេចចេញតាមរយៈ ការហែលទឹក ឆ្លងទន្លេ Tisza ហើយសុខចិត្តលង់ទឹកខ្លួនឯង នៅទីនោះ។
លោក Niko បាននិយាយសំដៅទៅលើ របាយការណ៍ថ្មីៗ អំពីបុរសរាប់សិបនាក់ បានបាត់បង់ជីវិត ក្នុងការប៉ុនប៉ងភៀសខ្លួន ពីអ៊ុយក្រែន និងគេចពីការចុះចូល ក្នុងជួរកងទ័ពចំពេលមាន
ជម្លោះបន្តរវាង ក្រុងម៉ូស្គូនិងក្រុងគៀវ៕
ប្រែសម្រួល៖ស៊ុនលី
