តូក្យូ៖ មន្ត្រីក្រសួងការពារជាតិ បានឲ្យដឹងថា សហរដ្ឋអាមេរិក និង ជប៉ុន បានប៉ាន់ប្រមាណថា ការចំណាយសរុប នៃការរួមគ្នាអភិវឌ្ឍន៍ មីស៊ីលប្រភេទថ្មី ដែលមានសមត្ថភាព ស្ទាក់ចាប់អាវុធលឿន ជាងសំឡេងនឹងមានលើសពី ៣ពាន់លានដុល្លារ។
យោងតាមមន្ត្រីមកពីទីភ្នាក់ងារការពារ កាំជ្រួចអាមេរិកបានឲ្យដឹងថា ក្នុងចំណោមចំនួនសរុប ជប៉ុននឹងផ្តល់ថវិកាចំនួន ១ ពាន់លានដុល្លារដល់គម្រោង Glide Phase Interceptor។ ប្រទេសទាំងពីរមានបំណងបញ្ចប់ការអភិវឌ្ឍមីស៊ីលនៅឆ្នាំ២០៣០។
ការអភិវឌ្ឍន៍រួមគ្នានេះត្រូវបានយល់ព្រមដោយប្រធានាធិបតីអាមេរិកលោក ចូ បៃដិន និងនាយករដ្ឋមន្ត្រីជប៉ុនលោក ហ្វូមីអូ គីស៊ីដា កាលពីខែសីហាឆ្នាំមុន មុនពេលកិច្ចប្រជុំកំពូលត្រីភាគីជាមួយសមភាគីកូរ៉េខាងត្បូងរបស់ពួកគេនៅជំរុំ Camp David ក្បែរទីក្រុងវ៉ាស៊ីនតោន។
គម្រោងនេះកើតឡើងនៅពេល ដែលប្រទេសចិន កូរ៉េខាងជើង និងរុស្សីបាននិងកំពុងដេញតាមសមត្ថភាពលឿនជាងសំឡេង នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
មីស៊ីលលឿនជាងសំឡេង និងយានហោះក្នុងល្បឿនលើសពី Mach 5 ដែលស្មើនឹងប្រាំដងនៃល្បឿនសំឡេង។ ពួកគេក៏អាចបត់បែនបាន និងអាចផ្លាស់ប្តូរផ្លូវក្នុងអំឡុងពេលហោះហើរ ដែលធ្វើឱ្យពួកគេពិបាកក្នុងការបាញ់ទម្លាក់ ឬតាមដានដោយរ៉ាដា ៕
ប្រែសម្រួល ឈូក បូរ៉ា
