បរទេស៖ យោងតាមការចេញផ្សាយរបស់ RT រដ្ឋមន្ត្រីការពារជាតិអាមេរិក លោក Lloyd Austin បានបញ្ជាក់ថា កងកម្លាំងរុស្ស៊ីកំពុងចែករំលែក មូលដ្ឋានមួយជាមួយកងទ័ពអាមេរិក ក្នុងប្រទេសនីហ្សៀ ដោយសំដែងនូវការព្រួយបារម្ភ អំពីសន្តិសុខរបស់បុគ្គលិកដែលឈរជើង នៅក្នុងប្រទេសអាហ្វ្រិកខាងលិច។
ចំណាត់ការនេះកើតឡើង បន្ទាប់ពីរដ្ឋាភិបាលយោធារបស់នីហ្សៀ បានទាមទារឱ្យទីក្រុងវ៉ាស៊ីនតោន ដកកងទ័ពរបស់ខ្លួនប្រហែល ១០០០ នាក់ចេញពីប្រទេសក្នុងតំបន់ Sahel នេះពោលគឺបន្ទាប់ពីការបញ្ចប់ កិច្ចព្រមព្រៀងការពារជាតិ ដែលមានអាយុកាលមួយទសវត្សរ៍ ដែលអនុញ្ញាតឱ្យពួកគេធ្វើប្រតិបត្តិការនៅទីនោះ។
លោកAustin បានធ្វើអត្ថាធិប្បាយបន្ទាប់ពី មន្ត្រីការពារជាតិជាន់ខ្ពស់អាមេរិកអនាមិកម្នាក់ ដែលដកស្រង់ដោយ Reuters បានសារភាពថាទាហានរុស្ស៊ី បានធ្វើដំណើរចូលមកដល់មូលដ្ឋានអាកាស នៅជិតអាកាសយានដ្ឋានអន្តរជាតិ Diori Hamani ក្នុងទីក្រុង Niamey រដ្ឋធានី Niger ជាកន្លែងដែលទាហានអាមេរិក ធ្លាប់ឈរជើងកន្លងមក។
មន្ត្រីរូបនេះបានរាយការណ៍ថា ទោះបីជាកងកម្លាំងរុស្ស៊ីកំពុងប្រើ កន្លែងព្យួរដាច់ដោយឡែកនៅឯមូលដ្ឋានទ័ពអាកាស 101 ក៏ដោយ ស្ថានភាព មិនអស្ចារ្យទេហើយអាចគ្រប់គ្រង បានតែក្នុងរយៈពេលខ្លីប៉ុណ្ណោះ៕
ប្រែសម្រួល៖ ស៊ុន លី
