បរទេស ៖ យោងតាមការចេញផ្សាយរបស់ RT ប្រធានាធិបតីអ៊ុយក្រែន លោក Vladimir Zelensky បានបង្ហាញខ្លួនក្នុងបញ្ជី ដែលក្រសួងមហាផ្ទៃរុស្ស៊ី ចង់បានកាលពីថ្ងៃសៅរ៍ ដោយក្នុងនោះបទល្មើសពិតប្រាកដ ដែលគាត់ត្រូវបានចោទប្រកាន់ នៅមិនទាន់ច្បាស់នៅឡើយ ។
គេហទំព័ររបស់ក្រសួងនិយាយថា ប្រធានាធិបតីអ៊ុយក្រែន ត្រូវបានគេចង់បាននៅក្រោមអត្ថបទ នៃក្រមព្រហ្មទណ្ឌរបស់រុស្ស៊ី និងមានឈ្មោះពេញ និងរូបថតរបស់គាត់ ព្រមទាំងថ្ងៃខែ ឆ្នាំកំណើត និងទីកន្លែងកំណើត របស់គាត់ប៉ុន្តែទោះបីជាយ៉ាងណាក្តី នៅមិនទាន់ មានទិន្នន័យណាមួយ ត្រូវបានចេញ ផ្សាយអំពីដំណើរការនីតិវិធីព្រហ្មទណ្ឌប្រឆាំងនឹងគាត់នៅឡើយទេ ។
ការវិវត្តនេះកើតឡើងមួយថ្ងៃបន្ទាប់ពីប្រធាន ក្រុមប្រឹក្សាសន្តិសុខ និងការពារជាតិអ៊ុយក្រែន លោក Aleksandr Litvinenko ក៏ត្រូវបានដាក់ចូលក្នុងបញ្ជី ដែលរុស្ស៊ី ចង់បានផងដែរហើយ គាត់បានចូលកាន់តំណែង ពីអ្នកស្នងតំណែងមុន របស់គាត់គឺAleksey Danilov នៅក្នុងខែមីនា។ ក្នុងករណីនេះផងដែរ មិនមានព័ត៌មានលម្អិត អំពីការទំហំទោស ត្រូវបានបញ្ជាក់ទេ ។
គួរឲ្យដឹងដែរថាទីក្រុងមូស្គូ តែងតែបានចោទប្រកាន់ក្រុងគៀវម្តង ហើយម្តងទៀតថា បានប្រើប្រាស់វិធីសាស្រ្តភេរវករ នៅទូទាំងជម្លោះដែលកំពុងបន្ត រវាងប្រទេសជិតខាងទាំងពីរ ៕
ប្រែសម្រួល៖ស៊ុនលី