បរទេស៖ យោងតាមការចេញផ្សាយរបស់ RT មេធាវីរបស់អនុរដ្ឋមន្ត្រីការពារជាតិម្នាក់បាននិយាយថា តុលាការក្រុងមូស្គូកាលពីថ្ងៃពុធបានច្រានចោលបណ្តឹងឧទ្ធរណ៍ដែលដាក់ ដោយក្រុមច្បាប់របស់អនុរដ្ឋមន្ត្រីការពារជាតិ Timur Ivanov ដែលកំពុងត្រូវបានឃុំខ្លួនពីបទសូកប៉ាន់ហើយតុលាការបានបដិសេធមិនដោះលែងគាត់ឱ្យនៅក្នុងការឃុំ
ខ្លួនក្នុងផ្ទះ ជំនួសឱ្យការឃុំខ្លួនបណ្ដោះអាសន្ននោះឡើយ។
អ្នកស៊ើបអង្កេតបានប្រកែកថាលោក Ivanov អាចព្យាយាមរត់គេចពីប្រទេសឆ្ពោះទៅសហភាពអឺរ៉ុប មេធាវីរបស់គាត់គឺ Murad Musayev បានប្រាប់ RIA Novosti ។
លោកMusayev បានច្រានចោលហានិភ័យនេះ ដោយចង្អុលបង្ហាញថា មន្ត្រីរូបនេះស្ថិត នៅក្នុងបញ្ជីទណ្ឌកម្មលោកខាងលិច ផ្សេងៗ ហើយបន្ថែមថាគាត់នឹងជំទាស់នឹងសេចក្តីសម្រេច នៅតុលាការកាត់ក្តី។
គួរឲ្យដឹងដែរថាលោក Musayev បានបង្ហាញឱ្យដឹងថា Ivanov ត្រូវបានចោទប្រកាន់ពីបទទទួលបានសេវាកម្មពីអ្នកម៉ៅការសំណង់យោធាដែលប៉ាន់ស្មានថាមានចំនួនជិត១ពាន់លានrublesឬ ប្រហែលជា១០,៨ លានដុល្លារ ៕ ប្រែសម្រួល៖ស៊ុនលី
