បរទេស៖ទីភ្នាក់ងារព័ត៌មាន Reuters បានរាយការណ៍ ដោយដកស្រង់សម្តី មន្ត្រីមិនបញ្ចេញឈ្មោះម្នាក់ថា រដ្ឋាភិបាលអ៊ីស្រាអែល មិនមានជាប់ពាក់ព័ន្ធ នឹង ការស្លាប់ របស់ប្រធានាធិបតីអ៊ីរ៉ង់ លោក Ebrahim Raisiដែលបានធ្លាក់ ឧទ្ធម្ភាគចក្រ ស្លាប់កាលពីចុង សប្តាហ៍នោះទេ ។
ឧទ្ធម្ភាគចក្រដែលមានដឹកលោក Raisi និងមន្ត្រីជាច្រើននាក់ទៀត រួមទាំងរដ្ឋមន្ត្រី ការបរទេស Hossein Amir-Abdollahian បានធ្លាក់កាលពីរសៀលថ្ងៃអាទិត្យ នៅតំបន់ភ្នំមួយ នៃភាគពាយព្យប្រទេស អ៊ីរ៉ង់ហើយ
បន្ទាប់ពីការស្វែង រកអស់រយៈពេលជាងដប់ ម៉ោង ដែលត្រូវបានរារាំង ដោយអ័ព្ទនិងភ្លៀងផងលោកប្រធានាធិបតីនិងអ្នករួមដំណើររបស់លោកត្រូវបានគេបញ្ជាក់ថា បានស្លាប់ទាំងអស់។
ប្រមុខរដ្ឋអ៊ីរ៉ង់រូបនេះបានធ្វើដំណើរ ទៅកាន់តំបន់ព្រំដែន បន្ទាប់ពីបានចូលរួមជា មួយប្រធានាធិបតី អាស៊ែបៃហ្សង់ លោក Ilham Aliyev កាលពីថ្ងៃសៅរ៍ ដើម្បីសម្ពោធ ទំនប់វារីអគ្គិសនីមួយកន្លែង។
គួរឲ្យដឹងដែរថាលោកRaisi បានសន្យាថា នឹងបំពេញទស្សនកិច្ច នៅគ្រប់ខេត្តចំនួន៣០ របស់អ៊ីរ៉ង់ យ៉ាងហោចណាស់ ម្តងក្នុងមួយឆ្នាំ ហើយដូច្នេះគាត់តែងតែធ្វើដំណើរជុំវិញ ប្រទេសជាញឹកញាប់ តាមឧទ្ធម្ភាគចក្របែបនេះ។
ការស្លាប់របស់គាត់បានជំរុញឱ្យមានការរំពឹងទុកថាសត្រូវដ៏យូរអង្វែងរបស់អ៊ីស្រាអែលអាចនៅពីក្រោយឧប្បត្តិហេតុនេះ ៕
ប្រែសម្រួល៖ស៊ុនលី
