បរទេស៖ ក្រុមអ្នកពន្លត់អគ្គីភ័យ នៅរដ្ឋកាលីហ្វ័រញ៉ានៅថ្ងៃអាទិត្យរំពឹងថា នឹងរាថយឡើយ លើភ្លើងឆេះព្រៃដែលជំរុញ ដោយខ្យល់ ដែលបានឆាបឆេះផ្ទៃដីរាប់ពាន់ហិចតាប្រហែល ៩៧គីឡូម៉ែត្រភាគខាងកើតនៃទីក្រុងសាន់ហ្វ្រាន់ស៊ីស្កូ បានដុតបំផ្លាញផ្ទះមួយខ្នង និងបង្ខំអ្នកស្រុកឱ្យភៀស ខ្លួនចេញពីតំបន់ក្បែរទីក្រុង Tracy កណ្តាលរដ្ឋកាលីហ្វ័រញ៉ា។
យោងតាមសារព័ត៌មាន VOA ចេញផ្សាយ នៅថ្ងៃទី២ ខែមិថុនា ឆ្នាំ២០២៤ បានឱ្យដឹងថា ភ្លើងបានឆាបឆេះ នៅរសៀលថ្ងៃសៅរ៍ នៅលើភ្នំដែលមានស្មៅដែលគ្រប់គ្រងដោយមន្ទីរពិសោធន៍ជាតិ Lawrence Livermore ដែលជាមជ្ឈមណ្ឌលដ៏សំខាន់មួយរបស់ប្រទេសសម្រាប់វិទ្យាសាស្ត្រ និងបច្ចេកវិទ្យាអាវុធនុយក្លេអ៊ែរ។ មូលហេតុដែលមានភ្លើងឆាបឆេះ គឺកំពុងស្ថិតក្រោមការស៊ើបអង្កេត។
ក្រសួងការពារព្រៃឈើ និងការពារអគ្គីភ័យ នៃរដ្ឋកាលីហ្វ័រញ៉ា បាននិយាយថា មជ្ឈមណ្ឌលស្រាវជ្រាវមិនស្ថិត នៅក្រោមការគំរាមកំហែង ភ្លាមៗពីភ្លើងឆេះនោះទេ ដែលត្រូវបានគេហៅថា Corral Fire ដែលបានលេបត្រ បាក់ផ្ទៃដីប្រហែល ៥២ គីឡូម៉ែត្រការ៉េគិតត្រឹមរសៀលថ្ងៃអាទិត្យ ហើយមាន ៣០ភាគរយ ។
មនុស្សរាប់ពាន់នាក់នៅក្នុងតំបន់នេះ រួមទាំងផ្នែកខ្លះនៃទីក្រុង Tracy ដែលមានប្រជាជនចំនួន ១០ម៉ឺននាក់ ត្រូវបានបញ្ជាឱ្យចាកចេញ ទៅកាន់មជ្ឈមណ្ឌលជម្លៀស ៕
ប្រែសម្រួលៈ ណៃ តុលា
