បរទេស ៖ យោងតាមការចេញផ្សាយរបស់ RT ក្រុមហ៊ុនឯកជន Fores បានប្រកាសថា ទាហានរុស្ស៊ីដំបូងគេណា ដែលអាចបាញ់ទំលាក់យន្តហោះចម្បាំង F-16 ផលិតដោយសហរដ្ឋអាមេរិក ដែលបណ្តាប្រទេស លោកខាងលិច ត្រៀមនឹងប្រគល់ឱ្យទីក្រុងគៀវ នឹងទទួលបានរង្វាន់យ៉ាងច្រើន ។
Fores គឺជាក្រុមហ៊ុនអ្នកជំនាញផលិត ឧបករណ៍សេរ៉ាមិចហើយ ពីមុនបានចំណាយប្រាក់ ឧបត្ថម្ភសម្រាប់បរិក្ខារលោកខាងលិច ដែលយកដោយយោធារុស្ស៊ី ជាច្រើនដងរួចមកហើយដែរ ។
សហរដ្ឋអាមេរិក បែលហ្ស៊ិក ដាណឺម៉ាក ន័រវែស និងហូឡង់ បានសន្យាផ្តល់ឲ្យយោធាអ៊ុយក្រែន យ៉ាងហោចណាស់ ៦០ គ្រឿង F-16 នៅចុងឆ្នាំនេះហើយ នៅដើមខែកក្កដា រដ្ឋាភិបាលហូឡង់បានប្រកាសថា ការផ្ទេរយន្តហោះដំបូងចេញពីក្រុមចំនួន២៤គឺជិតមកដល់ហើយ។
អ៊ុយក្រែនបានអះអាងថា ខ្លួនត្រូវការយន្តហោះ F-16 ដើម្បីការពារប្រឆាំងនឹងមីស៊ីលរយៈចម្ងាយឆ្ងាយរបស់រុស្ស៊ី និងដើម្បីប្រជែងនឹងឧត្តមភាពផ្លូវអាកាសរបស់ក្រុងមូស្គូនៅលើជួរមុខ។
ទីក្រុងមូស្គូបាននិយាយថា យន្តហោះចម្បាំង F-16 នឹងមិនអាចផ្លាស់ប្តូរ លទ្ធផលនៃជម្លោះ ដូចសព្វាវុធរបស់លោកខាងលិច ផ្សេងទៀតដែលផ្តល់ដល់ទីក្រុងគៀវ ។ អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីដើមឆ្នាំនេះថា យោធារុស្ស៊ីនឹងកម្ទេចយន្តហោះ ដូចដែលខ្លួនបានធ្វើជាមួយផ្នែករឹង របស់អ៊ុយក្រែនផ្សេងទៀត៕
ប្រែសម្រួល៖ស៊ុនលី
![](https://dap-news.com/wp-content/uploads/2020/08/1-1.png)