បរទេស ៖ យោងតាមការ ចេញផ្សាយរបស់ RT លោក Vladimir Zelensky បានរអ៊ូរទាំងថា ក្រុមអ្នកគាំទ្រ លោកខាងលិច របស់អ៊ុយក្រែន នៅតែមិនទាន់បាន ប្រគល់យន្តហោះ F-16 តែមួយគ្រឿង ក្នុងចំណោមមនុស្ស រាប់សិបគ្រឿង ដែលពួកគេបានសន្យានៅឡើយទេ។
លោកបានអះអាងនៅក្នុងបទ សម្ភាសន៍មួយទៅកាន់ទូរទស្សន៍ BBC របស់ចក្រភពអង់គ្លេស កាលពីថ្ងៃព្រហស្បតិ៍ថា យន្តហោះចម្បាំងដែលផលិត ដោយសហរដ្ឋអាមេរិក នឹងជួយទប់ទល់នឹងការត្រួតត្រា លើអាកាសរបស់រុស្ស៊ី និង រារាំងផ្ទៃមេឃ ។
ក្នុងអំឡុងកិច្ចប្រជុំកំពូលនៅ Vilnius របស់អង្គការណាតូ កាលពីខែកក្កដាកន្លងទៅ ដាណឺម៉ាក ហូឡង់ បែលហ្សិក កាណាដា លុចសំបួ ន័រវេស ប៉ូឡូញ ប៉ទុយហ្គាល់ រូម៉ានី និង ស៊ុយអែត បានបង្កើត សម្ព័ន្ធ F-16 ដែលក្រោយមក បានចូលរួមដោយក្រិក អាមេរិក ប៊ុលហ្គារី និងបារាំងផង។
ប្រទេសមួយចំនួនបានប្តេជ្ញាបរិច្ចាគ យន្តហោះពីយោធារបស់ពួកគេ ខណៈដែលប្រទេសខ្លះទៀត បណ្តុះបណ្តាលអ្នក បើកយន្តហោះអ៊ុយក្រែនប៉ុន្តែបើនិយាយអំពីយន្តហោះ F-16លោក Zelensky បានប្រាប់ទូរទស្សន៍ថា វាមានរយៈពេល ១៨ ខែហើយ យន្តហោះមិនទាន់ បានមកដល់អ៊ុយក្រែន សូម្បីតែមួយគ្រឿងនៅឡើយ។
កាលពីដើមខែនេះ រដ្ឋាភិបាលហូឡង់ដែលប្រកាសអះអាងថា ខ្លួនបានបញ្ចប់ការរៀបចំ សម្រាប់ការបញ្ជូនយន្តហោះ F-16 ទៅកាន់អ៊ុយក្រែន ដែលគួរតែប្រព្រឹត្តទៅ ក្នុងពេលឆាប់ៗនេះ ហើយរដ្ឋាភិបាល ទីក្រុង Amsterdam បានសន្យាផ្តល់ យន្តហោះ ចម្បាំងសរុបចំនួន២៤គ្រឿង៕
ប្រែសម្រួល៖ស៊ុនលី
