បរទេស៖ យោងតាមការចេញផ្សាយរបស់ RT អធិការបតីអាល្លឺម៉ង់លោក Olaf Scholz បានប្តេជ្ញាបង្ក្រាបការធ្វើចំណាកស្រុកខុសច្បាប់ និងពន្លឿនការនិរទេសជនភៀសខ្លួន ដោយសារការបាញ់ប្រហារដ៏សាហាវមួយ ដែលត្រូវបានចោទប្រកាន់ថា បានប្រព្រឹត្តិដោយអ្នកស្វែងរក សិទ្ធិជ្រកកោនជនជាតិស៊ីរីសមរម្យ។
ប្រភពដដែលបានឲ្យដឹងទៀតថា លោក Scholz បានធ្វើការសន្យាខណៈដែលបានទៅមើលទីតាំង នៃការវាយប្រហារកាលពីថ្ងៃចន្ទ។ ជនដៃដល់ម្នាក់បានវាយដំអ្នកទស្សនា នៅឯពិធីបុណ្យនៃភាពចម្រុះក្នុងទីក្រុង Solingen កាលពីយប់ថ្ងៃសុក្រ។
ជាលទ្ធផលមនុស្សបីនាក់ បានស្លាប់ក្នុងការវាយប្រហារនេះ និង៨នាក់ផ្សេងទៀតរងរបួស ខណៈដែលជនសង្ស័យជាជនដៃដល់ បានរត់គេចខ្លួនបាត់ស្រមោល ក្រោយមកក៏បានសុខចិត្តប្រគល់ខ្លួនមកឲ្យអជ្ញាធរវិញផងដែរ។
ក្រោយមកប្រព័ន្ធផ្សព្វផ្សាយអាល្លឺម៉ង់ បានរាយការណ៍ដោយដកស្រង់អាជ្ញាធរថា ជនសង្ស័យគឺជាជនភៀសខ្លួនស៊ីរីអាយុ២៦ឆ្នាំ ដែលបានចូលប្រទេសនេះដើម្បី សុំសិទ្ធិជ្រកកោននៅឆ្នាំ២០២២។
គាត់ត្រូវបានគេរាយការណ៍ថា ប្រហែលជាកំពុងបន្តធ្វើប្រតិបត្តិការ តាមបញ្ជាពីក្រុមរដ្ឋអ៊ីស្លាម (IS ដែលពីមុនជា ISIS) ដែលដំបូងឡើយ បានអះអាងទទួលខុសត្រូវ ចំពោះការវាយប្រហារនេះ។
លោកScholz បានថ្កោលទោសការវាយប្រហារនេះថា ជាសកម្មភាពនៃ អំពើភេរវកម្មប្រឆាំងនឹងយើងទាំងអស់គ្នា ហើយបានសន្យាថា នឹងចាត់វិធានការដើម្បីជៀសវាង ឧប្បត្តិហេតុបន្ថែមទៀតផងដែរ ៕
ប្រែសម្រួល៖ ស៊ុន លី
