បរទេស៖ បុគ្គលដែលមានបំផុតទាំងប្រាំ នៅក្នុងប្រទេសម៉ាឡេស៊ី ត្រូវបានគេមើលឃើញថា ទ្រព្យសម្បត្តិសរុបរបស់ពួកគេកើនឡើង ៨ភាគរយ គឺដល់ ៣៨,៦ ពាន់លានដុល្លារនៅឆ្នាំនេះ បើទោះបីជាដំណើរការទីផ្សារភាគហ៊ុនធ្លាក់ចុះក៏ដោយ។
យោងតាមសារព័ត៌មាន VN Express ចេញផ្សាយនៅថ្ងៃទី៥ ខែឧសភា ឆ្នាំ២០២៥ បានឱ្យដឹងថា ខណៈពេលដែលតម្លៃគោល Bursa Malaysia នៅតែមិនផ្លាស់ប្តូរក្នុងរយៈពេល ១២ ខែ ប្រាក់រីងហ្គីតកាន់តែរឹងមាំដោយបានកើនឡើង ៥ភាគរយ ដែលបានជួយបង្កើនទ្រព្យសម្បត្តិរបស់ មហាសេដ្ឋីកំពូលរបស់ប្រទេសនេះ ជាមួយនឹងចំណាត់ថ្នាក់នៃបុគ្គលដែលមានបំផុតទាំងបី មិនផ្លាស់ប្តូរពីឆ្នាំ ២០២៤, នេះបើយោងតាមបញ្ជីមហាសេដ្ឋីពិភពលោករបស់ Forbes ។
លោក Robert Kuok អាយុ ១០១ ឆ្នាំ ម្ចាស់ប្រតិបត្តិករសណ្ឋាគារ និងអ្នកអភិវឌ្ឍន៍អចលនទ្រព្យ Kuok Group នៅតែរឹងមាំក្នុងនាមជាអ្នកមានបំផុត ម៉ាឡេស៊ីដែលមានទ្រព្យសម្បត្តិសុទ្ធ ១២,១ ពាន់លានដុល្លារ កើនឡើង ៦ភាគរយ ធៀបនឹងឆ្នាំមុន។
ទ្រព្យសម្បត្តិរបស់លោក Kuok ភាគច្រើនបានមកពីទ្រព្យសម្បត្តិដែលគាត់គ្រប់គ្រង តាមរយៈបណ្តាញនៃអង្គភាព ដែលកាន់កាប់យ៉ាងជិតស្និទ្ធដូចជា Kuok (សិង្ហបុរី) Kuok Brothers នៅប្រទេសម៉ាឡេស៊ី និង Kerry Group នៅហុងកុង។
កំណត់ត្រាសាជីវកម្មបង្ហាញម្ចាស់ភាគហ៊ុន រហូតដល់មួយរយនាក់នៅក្នុងបណ្តាញនេះ។ ដោយសារភាគហ៊ុនបុគ្គលមិនអាចកំណត់បាន ទ្រព្យសម្បត្តិត្រូវបានចាត់ទុកជាទ្រព្យសម្បត្តិគ្រួសារ ហើយត្រូវបានសន្មតថា ជាមហាសេដ្ឋី ដែលជាស្ថាបនិក និងជាបុព្វបុរស។
បើយោងតាមរបាយការណ៍ប្រចាំឆ្នាំ ២០២៣ របស់ខ្លួន គឺតាមរយៈក្រុមហ៊ុនកាន់កាប់ទាំងនេះ គ្រួសារនេះកាន់កាប់ភាគហ៊ុន ៥១ភាគរយ នៅក្នុង PPB Group ដែលជាក្រុមហ៊ុនដែលមានចំណាប់អារម្មណ៍ លើវិស័យកសិកម្មដល់អចលនទ្រព្យ ។ គ្រួសារនេះក៏មានភាគហ៊ុន ៦០ភាគរយ នៃក្រុមហ៊ុនអភិវឌ្ឍន៍អចលនទ្រព្យ Kerry Properties ដែលចុះបញ្ជីនៅហុងកុង និង ៥៣ភាគរយ របស់ Shangri-La Asia ។
ក្នុងចំណោមមហាសេដ្ឋីទាំង៥នេះ , តំណែងទីពីរក៏មិនផ្លាស់ប្តូរដែរជាមួយនឹងលោក Quek Leng Chan អាយុ ៨៣ ឆ្នាំដែលមានទ្រព្យសម្បត្តិ ៩,៩ ពាន់លានដុល្លារ កើនឡើង ១២,៥ភាគរយ ។ ទី៣ , ទ្រព្យសម្បត្តិដែលបានចែករំលែកដោយបងប្អូនបង្កើត លោក Teh siblings ដែលជាអ្នកស្នងមរតកពីទ្រព្យសម្បត្តិរបស់ធនាគារសាធារណៈបានកើនឡើង ៩ភាគរយ ដល់ ៥,៩ ពាន់លានដុល្លារ ដោយរក្សាឱ្យពួកគេនៅចំណាត់ថ្នាក់ទីបី។
ចំណាត់ថ្នាក់ទីបួនត្រូវបានកាន់កាប់ដោយលោក Koon Poh Keong និងបងប្អូនបួននាក់របស់គាត់ ដែលមានទ្រព្យសម្បត្តិសរុបចំនួន ៥,៤ ពាន់លានដុល្លារ កើនឡើងជិត ២ភាគរយ ធៀបនឹងឆ្នាំមុន។ ចំណែកអ្នកស្នងមរតករបស់ Ananda Krishnan បានប្រមូលបញ្ជីជាមួយនឹងទ្រព្យសម្បត្តិសុទ្ធចំនួន ៥,៣ ពាន់លានដុល្លារ កើនឡើង ១០ភាគរយ ។
Ananda អតីតពាណិជ្ជករប្រេងដែលបានកសាង អាណាចក្រតម្លៃរាប់ពាន់លានដុល្លារតាំងពីដើមមក បានទទួលមរណភាពក្នុងខែវិច្ឆិកា ឆ្នាំ ២០២៤ ក្នុងជន្មាយុ ៨៦ ឆ្នាំ។
ប្រែសម្រួលៈ ណៃ តុលា
