បរទេស៖ យោងតាមការចេញផ្សាយរបស់ RT អតីតនាយករដ្ឋមន្ត្រីអង់គ្លេស លោក David Cameron បានគំរាមទារប្រាក់ត្រឡប់មកវិញ ពីតុលាការឧក្រិដ្ឋកម្មអន្តរជាតិ (ICC) និងដកចក្រភពអង់គ្លេសចេញពីសន្ធិសញ្ញា ប្រសិនបើប្រធានរដ្ឋអាជ្ញា Karim Khan នៅតែបន្តស្វែងរកដីកាចាប់ខ្លួនមេដឹកនាំអ៊ីស្រាអែល ដែលធ្វើឡើងតាំងតែពីឆ្នាំមុន។
ICC បានចេញដីកាកាលពីខែវិច្ឆិកាឆ្នាំមុន សម្រាប់ការចាប់ខ្លួននាយករដ្ឋមន្ត្រីអ៊ីស្រាអែល Benjamin Netanyahu និងបន្ទាប់មករដ្ឋមន្ត្រីការពារជាតិ Yoav Gallant ក៏ដូចជាមេដឹកនាំក្រុម Hamas បីនាក់ពីបទឧក្រិដ្ឋកម្មសង្រ្គាម ដែលបានប្រព្រឹត្តនៅក្នុងជម្លោះ Gaza ។
ចាប់តាំងពីពេលនោះមក ទីក្រុងវ៉ាស៊ីនតោនបានដាក់ទណ្ឌកម្មលើលោក Khan ដោយចោទប្រកាន់គាត់ពីបទរំលោភអំណាច ដោយព្យាយាមក្នុងការធ្វើឲ្យមានភាពលំបាក ទៅដល់សម្ព័ន្ធមិត្តរបស់សហរដ្ឋអាមេរិក។
គួរឲ្យដឹងដែរថាលោកCameron ដែលពេលនោះជារដ្ឋមន្ត្រីការបរទេសក្នុងរដ្ឋាភិបាល របស់លោកអតីតនាយករដ្ឋមន្ត្រីអង់គ្លេស Rishi Sunak តាមសេចក្តីរាយការណ៍បានទូរស័ព្ទទៅ Khan ហើយបានព្រមានគាត់ថាការស្វែងរកដីកានឹងដូចជា ការទម្លាក់គ្រាប់បែកមួយយ៉ាងដូច្នោះដែរហើយគាត់ បានរាយការណ៍ថាបានសន្យាថាទីក្រុងឡុងដ៍នឹង បដិសេធតុលាការហើយដកខ្លួនចេញ ពីលក្ខន្តិកៈទីក្រុងរ៉ូមប្រសិនបើ ICC នៅតែបន្តចេញដីកាចាប់ខ្លួននេះ៕
ប្រែសម្រួល៖ ស៊ុន លី
