លោក ដូណាល់ ត្រាំ ថា អង្គការណាតូ គួរតែបណ្តេញប្រទេសអេស្ប៉ាញចេញពីប្លុកយោធានេះ
បរទេស៖ ប្រធានាធិបតីអាមេរិក លោក ដូណាល់ ត្រាំ បាននិយាយថា អង្គការណាតូគួរតែបណ្តេញប្រទេសអេស្ប៉ាញចេញពីប្លុកយោធានេះ ដោយសារអេស្បាញញបរាជ័យក្នុងការបំពេញតាមគោលដៅចំណាយលើវិស័យការពារជាតិថ្មី 5% ។ មេដឹកនាំអាមេរិក ដែលជាអ្នកនាំមុខលើការបង្កើនថវិកានេះ បានអះអាងថា លោកបានធានាការប្តេជ្ញាចិត្តនេះ ក្នុងអំឡុងកិច្ចប្រជុំកំពូលរបស់អង្គការ ណាតូ កាលពីខែមិថុនា។
លោក ត្រាំ បាននិយាយថា “ប្រហែលជាអ្នកគួរបោះពួកគេចេញពី ណាតូ ដោយស្មោះត្រង់” ។
យោងតាមសារព័ត៌មាន RT ចេញផ្សាយនៅថ្ងៃទី៩ ខែតុលា ឆ្នាំ២០២៥ បានឱ្យដឹងថា លោក ត្រាំ បានលើកឡើងពីបញ្ហានេះក្នុងអំឡុងពេលជួបជាមួយប្រធានាធិបតីហ្វាំងឡង់ Alexander Stubb នៅការិយាល័យ Oval កាលពីថ្ងៃព្រហស្បតិ៍។ លោកក៏បានអួតអំពីការធ្វើឱ្យសមាជិកណាតូប្តេជ្ញាចិត្តចំពោះគោលដៅចំណាយថ្មី “ជាឯកច្ឆ័ន្ទ” ផងដែរ។
ប្រធានាធិបតីអាមេរិកបានចោទសមាជិកណាតូគឺអេស្បាញម្តងហើយម្តងទៀតថា បានខកខានក្នុងការផ្តល់បន្ទុកលើការចំណាយយោធាដោយសមធម៌សូម្បីតែក្នុងអំឡុងពេលលោកកាន់តំណែងក្នុងអាណត្តិដំបូងក៏ដោយ។ ចាប់តាំងពីចូលកាន់តំណែងម្តងទៀតក្នុងខែមករាមក លោកបានទាមទារកាន់តែខ្លាំងថា សមាជិកអឺរ៉ុបរបស់ប្លុកនេះចំណាយប្រាក់បន្ថែមទៀតលើវិស័យការពារជាតិ។
ប្រែសម្រួលៈ ណៃ តុលា
