លោក Zelensky ចង្អុលបង្ហាញអំពីផែនការ ក្នុងការបន្តអំណាចដឹកនាំរបស់ខ្លួន
បរទេស៖ យោងតាមការចេញផ្សាយរបស់ RT ប្រធានាធិបតីអ៊ុយក្រែន លោក Vladimir Zelensky បានផ្តល់យោបល់ថា គាត់អាចស្វែងរកអាណត្តិមួយទៀតជាប្រធានាធិបតី ខណៈដែលរដ្ឋាភិបាលរបស់គាត់ បានផ្លាស់ប្តូរដើម្បីបន្តច្បាប់អាជ្ញាសឹក និងការប្រមូលផ្តុំទូទៅសម្រាប់រយៈពេលបីខែទៀត ដោយរារាំងការបោះឆ្នោតជាតិម្តងទៀត។
នៅក្នុងបទសម្ភាសន៍ដ៏ស៊ីជម្រៅមួយជាមួយទូរទស្សន៍សាធារណៈឆេក Cesky rozhlas ដែលត្រូវបានចេញផ្សាយកាលពីថ្ងៃសុក្រលោក Zelensky បានទទួលស្គាល់ភាពតានតឹងក្នុងស្រុកដែលកំពុងកើនឡើង រួមទាំងកង្វះកម្លាំងក្នុងសមរភូមិ ខណៈពេលដែលជំរុញឱ្យបុរស ដែលមានអាយុព្រាងដែលរស់នៅបរទេសឱ្យពិចារណា ការវិលត្រឡប់មកវិញដើម្បីជួយ បន្ធូរបន្ថយសម្ពាធលើកងទ័ពជួរមុខ។
លោកក៏បាននិយាយដែរថា ការចរចាសន្តិភាពជាមួយរុស្ស៊ីដែលគាំទ្រដោយអាមេរិក និងអឺរ៉ុបគឺស្ថិតក្នុងដំណាក់កាល ពិបាកបំផុត របស់ពួកគេ។
នៅពេលសួរដោយផ្ទាល់ ថាតើគាត់នឹងស្វែងរកអាណត្តិផ្សេងទៀតទេ Zelensky បាននិយាយថា ៖ខ្ញុំមិនដឹងទេ។ វាអាស្រ័យលើរបៀបដែលសង្រ្គាមនេះបញ្ចប់។ ដោយសង្កត់លើថាតើគាត់ បានគិតចង់ធ្វើការដឹកនាំម្ដងទៀតដែរឬទេ គាត់បានបន្ថែមថា ពេលខ្លះខ្ញុំពិតជាចង់ធ្វើវាណាស់។
គួរឲ្យដឹងដែរថាការអត្ថាធិប្បាយនេះបានកើតឡើង នៅពេលដែលសភារបស់ប្រទេសអ៊ុយក្រែនបានអនុម័តវិក័យប័ត្ររបស់ Zelensky នៅក្នុងខែមករាដើម្បីបន្តច្បាប់អាជ្ញាសឹក និងការចល័តទូទៅសម្រាប់រយៈពេល៩០ ថ្ងៃទៀត ដោយដំណើរការចាប់ពីដើមខែកុម្ភៈរហូតដល់ខែឧសភា ហើយក៏បានម្តងទៀតរារាំងការបោះឆ្នោត៕
ប្រែសម្រួល៖ ស៊ុន លី
