ភាគខាងត្បូងប្រទេសឡាវ ចូលរួមជាមួយវៀតណាម និងថៃ ដើម្បីជំរុញច្រករបៀងសេដ្ឋកិច្ចបូព៌ា-ខាងលិច ឱ្យទៅមុខ
បរទេស៖ មន្ត្រីជាន់ខ្ពស់មកពីប្រទេសឡាវ វៀតណាម និងថៃ បានជួបប្រជុំគ្នានៅទីក្រុងប៉ាក់សេ ប្រទេសឡាវ កាលពីថ្ងៃទី៣ ខែមេសា ដើម្បីស្តារឡើងវិញនូវច្រករបៀងសេដ្ឋកិច្ចខាងកើត-ខាងលិច ដែលជាផ្លូវប្រវែង ១.៤៥០ គីឡូម៉ែត្រ ដែលតភ្ជាប់តំបន់នេះ។
យោងតាមសារព័ត៌មាន The Laotian Times ចេញផ្សាយនៅថ្ងៃទី៦ ខែមេសា ឆ្នាំ២០២៦ថា ដោយមានប្រតិភូជិត ៤០០នាក់ ខេត្តចំប៉ាសាក់ ខេត្ត អាត់តាពើ , សេកុង , សាឡាវ៉ាន់ និងសាក់វណ្ណេត បានតំណាងឱ្យភាគីឡាវ ចំណែក ប្រទេសថៃបានបញ្ជូនក្រុមមួយមកពីខេត្ត ឧប៊ុនរ៉ាចាថានី ហើយប្រទេសវៀតណាមបានបញ្ជូនមន្ត្រីមកពី ១៩ តំបន់ផ្សេងៗគ្នា។
ច្រករបៀងនេះបានចាប់ផ្តើមដំបូងក្នុងឆ្នាំ ១៩៩៨។ វាភ្ជាប់ប្រទេសមីយ៉ាន់ម៉ា ថៃ ឡាវ និងវៀតណាម។ ផ្លូវនេះរត់ពីកំពង់ Mawlamyine ក្នុងប្រទេសមីយ៉ាន់ម៉ា រហូតដល់ទីក្រុងដាណាង ក្នុងប្រទេសវៀតណាម។ ថ្នាក់ដឹកនាំបានរចនាផ្លូវនេះឡើងដើម្បីបើកពាណិជ្ជកម្ម និងកាត់បន្ថយភាពក្រីក្រ។
ទោះជាយ៉ាងណាក៏ដោយ គម្រោងនេះបានប្រឈមមុខនឹងវឌ្ឍនភាពយឺតយ៉ាវអស់រយៈពេលជាច្រើនឆ្នាំ។ ផ្លូវដែលបាត់ និងឯកសារច្រើនពេកនៅតាមព្រំដែនបានរារាំង។
វេទិកាសហប្រតិបត្តិការវិនិយោគ ពាណិជ្ជកម្ម និងទេសចរណ៍ឆ្នាំ ២០២៦ មានគោលបំណងជួសជុលចន្លោះប្រហោងទាំងនេះ។
ប្រែសម្រួលៈ ណៃ តុលា
