លោក ដូណាល់ ត្រាំ រិះគន់អង្គការណាតូ ជាថ្មីម្តងទៀត ចំពោះការមិនជួយអ្វីសោះ ដល់សហរដ្ឋអាមេរិក
វ៉ាស៊ីនតោន៖ ប្រធានាធិបតីអាមេរិកលោក ដូណាល់ ត្រាំ បានរិះគន់អង្គការណាតូ ជាថ្មីម្តងទៀត ចំពោះការមិនជួយអ្វីសោះដល់សហរដ្ឋអាមេរិក ដោយបានលេីកឡេីងថា “ណាតូ មិននៅទីនោះទេនៅពេលដែលយើងត្រូវការពួកគេ ហើយពួកគេនឹងមិននៅទីនោះទេ ប្រសិនបើយើងត្រូវការពួកគេម្តងទៀត” ។
ការកត់សម្គាល់របស់លោកបានកើតឡើង នៅពេលដែលប្រធានអង្គការណាតូ លោក Mark Rutte បានមកដល់ទីក្រុងវ៉ាស៊ីនតោន សម្រាប់ដំណើរទស្សនកិច្ចមួយ ដែលមានគោលបំណងជួសជុលសម្ព័ន្ធភាពឆ្លងមហាសមុទ្រអាត្លង់ទិក ដែលកំពុងដួលរលំ។
នៅក្នុងសារលេីបណ្ដាញសង្គម Truth Social បន្ទាប់ពីការសន្ទនាជាមួយលោក Mark Rutte នៅសេតវិមាន លោក ដូណាល់ ត្រាំ ក៏បានឧ្យដឹងផងដែរថា “ចងចាំ Greenland ជាបំណែកទឹកកកដ៏ធំ និងដំណើរការមិនល្អនោះទេ!”។
ថ្លែងទៅកាន់ CNN លោក Mark Rutte បានទទួលស្គាល់ថា លោក ត្រាំ “ច្បាស់ជាខកចិត្តចំពោះសម្ព័ន្ធមិត្តណាតូ ជាច្រើន” ដោយពណ៌នាអំពីកិច្ចពិភាក្សាថា “ស្មោះត្រង់ និងបើកចំហរណាស់”។
ចាប់តាំងពីសង្គ្រាមអ៊ីរ៉ង់ បានចាប់ផ្តើម លោក ត្រាំ បានទាមទារឱ្យសម្ព័ន្ធមិត្តណាតូ ចូលរួមជាមួយសហរដ្ឋអាមេរិក ដើម្បីបើកច្រកសមុទ្រហ័រមូស ប៉ុន្តែសំណេីនោះត្រូវបានបដិសេធ។
ប្រទេសនៅអឺរ៉ុប ដូចជាអេស្ប៉ាញ និងអ៊ីតាលីថែមទាំងបានបដិសេធមិនឱ្យយោធាសហរដ្ឋអាមេរិកប្រើប្រាស់ដែនអាកាសរបស់ពួកគេថែមទៀតផង ដែលធ្វើឲ្យលោក ដូណាល់ ត្រាំ ខឹងសម្បារយ៉ាងខ្លាំង។
ក្នុងរយៈពេលប៉ុន្មានសប្តាហ៍កន្លងមកនេះ លោក ត្រាំ បានរិះគន់ម្តងហើយម្តងទៀតចំពោះអង្គការណាតូ ចំពោះការបរាជ័យក្នុងការជួយ សហរដ្ឋអាមេរិកក្នុងសង្គ្រាម ហើយបានគំរាមចាកចេញពីសម្ព័ន្ធភាពសន្ធិសញ្ញានេះ៕
