តម្លៃប្រេងធ្លាក់ចុះវិញ ដោយសារបទឈប់បាញ់នៅអ៊ីរ៉ង់ និងមុនពេលដែលលោក ត្រាំ ទៅទស្សនកិច្ចនៅប្រទេសចិន
បរទេស៖ តម្លៃប្រេងបានធ្លាក់ចុះនៅថ្ងៃពុធ ដោយបានបញ្ឈប់ ការកើនឡើងរយៈពេលបីថ្ងៃ ខណៈដែលវិនិយោគិន កំពុងរង់ចាំការវិវត្តន៍ពីបទឈប់បាញ់ ដ៏ផុយស្រួយនៅមជ្ឈិមបូព៌ា និងត្រៀមខ្លួនសម្រាប់កិច្ចប្រជុំកំពូល ដែលមានហានិភ័យខ្ពស់នៅទីក្រុងប៉េកាំង រវាងប្រធានាធិបតីអាមេរិកលោក ដូណាល់ ត្រាំ និងសមភាគីចិន គឺលោក ស៊ី ជីនពីង ។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី១៣ ខែឧសភា ឆ្នាំ២០២៦ថា ប្រេងឆៅប្រភេទ Brent បានធ្លាក់ចុះ 86 សេន ឬ 0.8% មកនៅត្រឹម 106.91 ដុល្លារក្នុងមួយបារ៉ែល ។ ប្រេងឆៅប្រភេទ West Texas Intermediate របស់សហរដ្ឋអាមេរិកបានធ្លាក់ចុះ 1.04 ដុល្លារ ឬ 1% មកនៅត្រឹម 101.14 ដុល្លារ។
ស្តង់ដារទាំងពីរភាគច្រើនស្ថិតនៅជុំវិញ ឬខ្ពស់ជាង 100 ដុល្លារក្នុងមួយបារ៉ែល ចាប់តាំងពីសង្គ្រាមអាមេរិក-អ៊ីស្រាអែលលើអ៊ីរ៉ង់បានចាប់ផ្តើមនៅចុងខែកុម្ភៈ បន្ទាប់ពីទីក្រុងតេហេរ៉ង់បានបិទច្រកសមុទ្រ Hormuz។
លោកស្រី Priyanka Sachdeva អ្នកវិភាគទីផ្សារជាន់ខ្ពស់នៅ Phillip Nova បាននិយាយថា “ការព្រួយបារម្ភអំពីការរំខានដល់ការផ្គត់ផ្គង់ និងភាពមិនប្រាកដប្រជាជុំវិញមជ្ឈិមបូព៌ា គឺកំពុងរក្សាតម្លៃប្រេងឱ្យនៅដដែល ទោះបីជាពាណិជ្ជករព្យាយាមបង្កើតទិសដៅច្បាស់លាស់ក៏ដោយ”។
ប្រែសម្រួលៈ ណៃ តុលា
