ប្រភពមួយនិយាយថា កាណាដាកំពុងពិភាក្សាអំពីសម្បទានពាណិជ្ជកម្មជាមួយសហរដ្ឋអាមេរិក ដើម្បីជៀសវាងពន្ធថ្មីពីអាមេរិក
បេទេស៖ ប្រទេសកាណាដា និងសហរដ្ឋអាមេរិកកំពុងពិភាក្សាអំពីកិច្ចព្រមព្រៀងមួយ ដែលទីក្រុងអូតាវ៉ានឹងដោះស្រាយបញ្ជីតម្រូវការពាណិជ្ជកម្មរបស់រដ្ឋបាលលោក Trump ជាថ្នូរនឹងការលុបចោលការគំរាមកំហែងដាក់ពន្ធថ្មី។ នេះបើតាមប្រភពមួយដែលដឹងអំពីកិច្ចចរចានេះបាននិយាយកាលពីថ្ងៃសុក្រ។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី៨ ខែសីហា ឆ្នាំ២០២៦ថា លោក Trump បានដាក់ពន្ធលើការនាំចូលជាច្រើនរបស់កាណាដា បន្ទាប់ពីវិលត្រឡប់មកកាន់អំណាចវិញកាលពីឆ្នាំមុន ហើយកាលពីខែកក្កដា បានបង្ហាញពន្ធ ៥០% លើការនាំចូលជាច្រើនប្រភេទ ដោយនឹងចូលជាធរមាននៅថ្ងៃទី ១៩ ខែសីហា លុះត្រាតែទីក្រុងអូតាវ៉ាដោះស្រាយការត្អូញត្អែររបស់សហរដ្ឋអាមេរិក។
កាសែត The Globe and Mail គឺជាកាសែតដំបូងគេដែលបានរាយការណ៍អំពីសម្បទានដែលកាណាដាបានត្រៀមខ្លួនរួចជាស្រេចដើម្បីធ្វើ។
ជាផ្នែកមួយនៃកិច្ចព្រមព្រៀងដែលបានស្នើឡើង ប្រទេសកាណាដានឹងលុបចោលពន្ធលើរថយន្តរបស់សហរដ្ឋអាមេរិក ឈានដល់កិច្ចព្រមព្រៀងលើការបកស្រាយរបស់សហរដ្ឋអាមេរិកអំពីរបៀបដែលកូតាផលិតផលទឹកដោះគោ គួរតែត្រូវបានបែងចែក និងស្វែងរកការប្រគល់គ្រឿងស្រវឹងអាមេរិកទៅកាន់ហាងនៅក្នុងខេត្តសំខាន់ៗរបស់ប្រទេសកាណាដា។
ជាថ្នូរវិញ ភាគីសហរដ្ឋអាមេរិកនឹងកាត់បន្ថយពន្ធដែលមានស្រាប់លើដែកថែប និងអាលុយមីញ៉ូមរបស់ប្រទេសកាណាដា នេះបើយោងតាមប្រភពដែលបានស្នើសុំមិនបញ្ចេញឈ្មោះ ដោយសារតែភាពរសើបខ្លាំងនៃស្ថានភាព។
ប្រែសម្រួលៈ ណៃ តុលា
