ចិន ជំរុញឱ្យសហរដ្ឋអាមេរិក បញ្ឈប់ការពង្រីកការកសាងកម្លាំងយោធា នៅក្នុងលំហអាកាស
By
Posted on
ប៉េកាំង៖ លោក Guo Jiakun អ្នកនាំពាក្យក្រសួងការបរទេសចិន បានថ្លែងថា ប្រទេសចិន ជំរុញឱ្យសហរដ្ឋអាមេរិក បញ្ឈប់ការពង្រីកការកសាងកម្លាំងយោធានៅក្នុងលំហអាកាស និងរក្សាស្ថិរភាពយុទ្ធសាស្ត្រសកលតាមរយៈសកម្មភាពជាក់ស្តែង។
លោកបានលើកឡើងបែបនេះនៅក្នុងសន្និសីទសារព័ត៌មានជាប្រចាំមួយ ដើម្បីឆ្លើយតបទៅនឹងការបញ្ជាក់របស់សហរដ្ឋអាមេរិកថា ខ្លួនបានដាក់ពង្រាយអាវុធនៅក្នុងលំហអាកាស។
លោកបានបន្ថែមថា ប្រទេសចិន គាំទ្រការប្រើប្រាស់លំហអាកាសដោយសន្តិវិធី និងការរក្សាសុវត្ថិភាពនៅក្នុងលំហអាកាស ព្រមទាំងប្រឆាំងរាល់ការប្រណាំងប្រជែងអាវុធ ឬការប៉ុនប៉ងណាមួយក្នុងការប្រែក្លាយលំហអាកាសឱ្យទៅជាកន្លែងដែលមានអាវុធ និងជាតំបន់សង្គ្រាម៕
ប្រែសម្រួល ឈូក បូរ៉ា
