ព័ត៌មានជាតិ

ភ្ជង់ប្លន់ម៉ូតូបានសម្រេច នៅក្លោងទ្វារវត្តឈូងលៀប​ ក្រុងតាខ្មៅ​,​ ជនល្មេីសគេចខ្លួន ដោយសុវត្ថិភាព

កណ្ដាល៖ នៅវេលាម៉ោង ១៨៖៣០នាទី​ ថ្ងៃទី១៧​ ខែធ្នូ​ មានករណីជនល្មេីសភ្ជង់ប្លន់យកម៉ូតូ ពីនារីវ័យក្មេងម្នាក់​ បានសម្រេច​ រួចគេចខ្លួនដោយសុវត្ថិភាព​ ។

ទីតាំងកេីតហេតុស្ថិតនៅ ក្លោងទ្វារវត្តឈូងលៀបផ្នែកខាងត្បូង​ ក្នុងសង្កាត់រកាខ្ពស់​ ក្រុងតាខ្មៅ​ ខេត្តកណ្តាល​ ។

អ្នកឃេីញហេតុការណ៍​ ថ្លែងថា​ ជនរងគ្រោះឈ្មោះ​ ឆូ វឌ្ឍនា អាយុ១៦ឆ្នាំ ជាចៅស្រីរបស់លោក ឈឿង ឆូ ចៅសង្កាត់រកាខ្ពស់ ក្រុងតាខ្មៅ ជិះម៉ូតូម៉ាកហុងដា​ ស៊េរីឆ្នាំ២០២០​ ផ្លាកលេខ៤៦៤០​ ។

ជុំវិញបញ្ហានេះ​ លោកវរសេនីយ៍​ យី​ វណ្ណដា​ អធិការនគរបាលក្រុងតាខ្មៅ​ ថ្លែងប្រាប់​ថា​ ករណីនេះ​ បេីតាមសេចក្តីរាយការណ៍បឋមពីលោកមេប៉ុស្តិ៍រកាខ្ពស់​ គឺ​ កាច់កម៉ូតូ​ ។

ទោះបីយ៉ាងណា​ លោកអធិការកំពុងបញ្ជា កម្លាំងដេញបង្ក្រាបហេីយ​ ។

ទន្ទឹមនេះ​ អ្នកឃេីញហេតុការណ៍​ អះអាងថា​ ករណីនេះ​ ជាអំពេីភ្ជង់ប្លន់ម៉ូតូ១០០%​ មិនមែនជាករណីកាច់ក​ ម៉ូតូ​ ដូចការអះអាងរបស់លោកមេប៉ុស្តិ៍ទេ​ ព្រោះជនល្មេីសមានកាំភ្លេីង​ ហេីយបានភ្ជង់ប្លន់នៅក្លោងទ្វារវត្ត​ ខណៈជនរងគ្រោះកំពុងជិះម៉ូតូម្នាក់ឯង​ ដែលមិត្តភក្តិ២នាក់​ ផ្សេងទៀត​ ជិះម៉ូតូមួយគ្រឿងផ្សេង​ ៕

To Top