ព័ត៌មានជាតិ

កម្មករ៤០នាក់ បំរើការក្នុងរោងចក្រ ស្បែកជើង ឃីង ម៉េកឃើ នៅតំបន់សេដ្ឋកិច្ចពិសេស មេតហាធេនដួលសន្លប់

ភ្នំពេញ ៖ ក្រុមកម្មករប្រមាណ ជា៤០នាក់ បំរើការងារ នៅរោងចក្រផលិតស្បែកជើង ឃីង ម៉េកឃើ ស្ថិតក្នុងតំបន់សេដ្ឋកិច្ចពិសេស មេតហាធេន ក្រុងបាវិត ខេត្តស្វាយរៀង បានដួលសន្លប់តៗគ្នា ដោយមិនទាន់ដឹងមូលហេតុ នៅឡើយ នៅថ្ងៃទី២៤ ខែធ្នូ ឆ្នាំ២០១៩ ។ នេះបើតាមហ្វេសប៊ុក របស់លោក ប៉ាវ ស៊ីណា ប្រធានសម្ព័ន្ធសហជីព ចលនាកម្មករកម្ពុជា។

ហ្វេសប៊ុកលោកប៉ាវ ស៊ីណាបន្តថា កាលពីថ្ងៃ២១ ធ្នូ កន្លងទៅក៏មានកម្មការិនីម្នាក់ បំរើការងារនៅរោងចក្រ ឃីង ម៉េកឃើដដែលនេះ បានស្លាប់បាត់បង់ជីវិត តាមផ្លូវ ខណៈបញ្ជូនទៅមន្ទីរពេទ្យ ។ ករណី បណ្តាលឲ្យកម្មករបាត់បង់ជីវិតនេះ មកពីកម្មកររងគ្រោះ មានអាការៈមិនស្រួលខ្លួន រហូតដល់សន្លប់ ក្នុងម៉ោងការងារ ហើយខាងក្រុមហ៊ុន ខ្វះការយកចិត្តទុកដាក់ ។ ម្យ៉ាងទៀត ភាពយឺតយ៉ាវ ផ្នែករថយន្តសង្គ្រោះ ទំរាំមកដល់រោងចក្រ កម្មការិនីរងគ្រោះ ស្ថិតក្នុងសភាពធ្ងន់ធ្ងរទៅហើយ ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top