ភ្នំពេញ ៖ រហូតមកដល់ម៉ោង៨យប់នេះ កម្លាំងសមត្ថកិច្ចចម្រុះ បានជួយសង្គ្រោះជនរងគ្រោះ បាន១៩នាក់ ហើយក្នុងនោះស្លាប់៣នាក់ ក្នុងករណីបាក់រលំអគារ នៅក្រុងកែប ខេត្តកែប នៅរសៀលថ្ងៃទី៣ ខែមករា ឆ្នាំ២០២០។
ខណៈពេលនេះ លោក គន់ គីម ទេសរដ្ឋមន្ត្រី និងជាអនុប្រធានទី១ អាជ្ញាធរជាតិ គ្រប់គ្រងគ្រោះមហន្តរាយ ក៏បានចុះទៅដល់កន្លែង កើតហេតុផងដែរ។
សូមរំលឹកថា នៅវេលាម៉ោង ៤៖៣០នាទី នៅរសៀលថ្ងៃទី៣ ខែមករា ឆ្នាំ២០២០ មានករណីបាករលំអគារមួយកន្លែង កម្ពស់ ៧ជាន់ ស្ថិតនៅក្បែរវត្តសមាធិ ក្នុងក្រុងកែប ខេត្តកែប ស្របពេលដែលកម្លាំងគណៈកម្មាធិជាតិគ្រប់គ្រងគ្រោះមហន្តរាយ និងកម្លាំងសង្គ្រោះ ៧១១ ដុតដៃ ដុតជើង សង្គ្រោះកម្មករ ចេញពីគំនរបាក់បែក ៕
