ព័ត៌មានជាតិ

សម្ដេចតេជោ សង្ឃឹមថា ការចូលរួមរបស់ពលរដ្ឋ នឹងទទួលជោគជ័យ លើសមរភូមិប្រយុទ្ធប្រឆាំងជំងឺ កូវីដ-១៩

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងជាប្រធានគណបក្សប្រជាជនកម្ពុជា បានសម្ដែងក្ដីសង្ឃឹមនិងជឿជាក់យ៉ាងមុតមាំថា ការចូលរួមដ៏សកម្មរបស់ប្រជាពលរដ្ឋគ្រប់រូប នឹងធ្វើឲ្យកម្ពុជាទទួលជោគជ័យលើសមរភូមិប្រយុទ្ធប្រឆាំងទៅនឹងជំងឺ កូវីដ-១៩។

ក្នុងសារលិខិតអបអរសាទរថ្ងៃគម្រប់ ខួប៦៩ឆ្នាំ នៃការបង្កើតគណបក្សប្រជាជនកម្ពុជា នៅថ្ងៃទី២៨ ខែមិថុនា ឆ្នាំ២០២០នេះសម្ដេចតេជោ បញ្ជាក់ថា នៅក្នុងឆ្នាំ២០២០ អាស្រ័យដោយសភាពការណ៍ជាតិ ត្រូវប្រឈម នឹងការលំបាក ថ្មីដ៏ធំដែល បណ្ដាលមកពីជំង កូវីដ-១៩ ដែលកំពុងរាតត្បាតជាសាកល នៅគ្រប់ប្រទេសនោះ គណៈ អចិន្ត្រៃយ៍នៃគណៈកម្មាធិការកណ្ដាល បានសម្រេចផ្អាកការ ប្រារព្ធពិធីរំឭកខួបកំណើត គណបក្សនៅក្នុងឆ្នាំនេះសិន ដើម្បីប្រមូលផ្តុំការខិតខំជម្នះដោះ ស្រាយនូវផលវិបាក ដោយសារជំងឺ កូវីដ-១៩។

សម្ដេចតេជោ មានប្រសាសន៍ថា «ខ្ញុំមានក្ដីសង្ឃឹមជឿជាក់ ថា អាស្រ័យដោយការ ចូលរួម ដ៏សកម្មរបស់ប្រជាជនគ្រប់រូប យើងពិតជានឹងទទួលបានជោគជ័យលើស មរភូមិប្រយុទ្ធនឹង ជំងឺ កូវីដ-១៩នេះ»។

សម្តេចតេជោ ក៏បានអំពាវនាវ ដល់គណៈកម្មាធិការគណបក្សនៅគ្រប់ថ្នាក់ សមាជិក សមាជិ កាគណបក្សគ្រប់រូប និងប្រជាពលរដ្ឋនៅទូទាំងប្រទេស ចូលរួមអនុវត្តឲ្យ បានម៉ត់ចត់ តាម ការណែនាំរបស់រាជរដ្ឋាភិបាល និងការណែនាំរបស់ក្រសួងសុខាភិបាល អំពីវិធានការ នានា ដើម្បីបញ្ចៀសការឆ្លងជំងឺកូវីដ-១៩ ដល់បុគ្គលម្នាក់ៗ និងសហគមន៍ ព្រមទាំងរក្សាប្រក្រតី ភាព នៃជីវភាព ផលិតកម្ម និងការងាររបស់ប្រជាជន។

សូមរំលឹកថា គិតត្រឹមថ្ងៃទី២៨ ខែមិថុនា ឆ្នាំ២០២០ នៅកម្ពុជារកឃើញអ្នកឆ្លងជំងឺ កូវីដ-១៩ សរុបចំនួន ១៤១នាក់ ក្នុងនោះ ព្យាបាលជាសះស្បើយ ចំនួន ១២៩នាក់ និងកំពុងសម្រាក ព្យាបាលជំងឺនៅមន្ទីរពេទ្យ ចំនួន ១២នាក់៕

ដោយ ៖ អេង ប៊ូឆេង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top