Covid-19

អ្នកនាំពាក្យ ក្រសួងសុខាភិបាលច្រានចោលថា គ្មានអ្នកស្ម័គ្រចិត្ត ចាក់វ៉ាក់សាំងកូវីដ១៩ស្លាប់ទេ

ភ្នំពេញ ៖ លោកស្រី ឱ វណ្ណឌីន រដ្ឋលេខានិងជាអ្នកនាំពាក្យ ក្រសួងសុខាភិបាល បានបញ្ជាក់ក៏ដូចជាច្រានចោលថា រហូតមកដល់ថ្ងៃទី១៨ ខែកុម្ភៈ ឆ្នាំ២០២១នេះ គ្មានអ្នកស្ម័គ្រចិត្តណាម្នាក់ ដែលចាក់វ៉ាក់សាំងកូវីដ១៩ បានស្លាប់បាត់បង់ជីវិតនោះទេ។

ការចេញច្រានចោលរបស់អ្នកនាំពាក្យ ក្រោយមានការផ្សាយថា មានមនុស្ស៣នាក់ហើយបានស្លាប់ និងជាង១០នាក់ផ្សេងទៀត កំពុងសង្រ្គោះបន្ទាន់ ដោយការចាក់វ៉ាក់សាំងកូវីដ១៩។

ផ្ទាំងពាណិជ្ជកម្ម

លោកស្រីឱ វណ្ណឌីនបានបញ្ជាក់ថា “ក្រសួងសុខាភិបាល សូមប្រកាសច្រានចោល ទាំងស្រុង នូវព័ត៌មានប្រឌិត មានចេតនាបំពុលសង្គម ធ្វើឲ្យប្រជាពលរដ្ឋ បាត់ជំនឿលើការចាក់វ៉ាក់សាំងកូវីដ-១៩ នេះ។ ក្រសួង សូមបញ្ជាក់ថា មកទល់ថ្ងៃទី១៨ ខែកុម្ភៈ ឆ្នាំ២០២១ មិនមានបុគ្គលណាម្នាក់ ដែលស្ម័គ្រចិត្តចាក់វ៉ាក់សាំងកូវីដ-១៩ ស៊ីណូហ្វាម នៅកម្ពុជារួចហើយនោះ បានស្លាប់បាត់បង់ជីវិតដោយសារចាក់ ( វ៉ាក់សាំងនោះឡើយ”។

លោកស្រីបានស្នើអាជ្ញាធរមានសមត្ថ កិច្ច ជួយចាត់ការតាមផ្លូវច្បាប់ផង ចំពោះបុគ្គលដែលផ្សាយព័ត៌មាន បំភ័យពលរដ្ឋនិងបំពុលសង្គម៕

To Top