ភ្នំពេញ៖ នាចុងសប្តាហ៍នេះ សមាគមគ្រូពេទ្យស្ម័គ្រចិត្ត យុវជនសម្តេចតេជោ(TYDA) បានចុះអប់រំផ្សព្វផ្សាយអំពីវិធានការនៃការចម្លងជំងឺ កូវីដ-១៩ និងអប់រំសុខភាពមាត់ធ្មេញ ដល់សិស្សានុសិស្សសរុបចំនួន២៨៦នាក់ និងលោកគ្រូអ្នកគ្រូចំនួន២៥នាក់ ស្ថិតក្នុងអនុវិទ្យាល័យ ទួលស្នោរ ភូមិស្នោរកើត សង្កាត់ស្នោរ ខណ្ឌកំបូល រាជធានីភ្នំពេញ ។
តាមរយៈបេសកកម្មថ្មីគឺ TYDA ចុះតាមសាលារៀន ដែលជាកម្មវិធីអប់រំសុខភាព ដោយផ្ដោតលើសុខភាពមាត់ធ្មេញ អនាម័យសុវត្ថិភាពអាហារក្នុងសាលា និងវិធានការនៃការចម្លងជំងឺ កូវីដ-១៩ ដោយអនុវត្ត៣ការពារ គឺពាក់ម៉ាស លាងដៃអោយញឹកញាប់ គម្លាតសុវត្ថិភាពសង្គម និង៣កុំគឺ កុំចូលទៅកន្លែងបិទគ្មានខ្យល់ចេញចូល កុំប្រើម៉ាស៊ីនត្រជាក់ច្រើនពេក កុំទៅកន្លែងមនុស្សច្រើនកុះករកុំប៉ះពាល់គ្នា កុំចាប់ដៃគ្នា អ្នកមានជំងឺផ្តាសាយឬសង្ស័យថាមានជំងឺកូវីដ-១៩។
គណៈគ្រប់គ្រងសាលា លោកគ្រូអ្នកគ្រូ និងសិស្សានុសិស្ស បានគោរពថ្លែង អំណរគុណដ៏ជ្រាលជ្រៅ ចំពោះលោក ហ៊ុន ម៉ាណែត និងលោកស្រី ពេជ ចន្ទមុន្នី ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និងក្រុមការងារគ្រូពេទ្យសមាគម TYDA ដែលបានយកចិត្តទុកដាក់ចំពោះសុខទុក្ខ ការសិក្សារស់នៅ និងសុខភាពរបស់សិស្សានុសិស្ស និងលោកគ្រូអ្នកគ្រូ នៅទីនេះ។
នាឱកាសនោះ ក្រុមការងារ បានផ្តល់ជូនអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនដល់សាលាបឋម សិក្សា និងអនុវិទ្យាល័យទួលស្នោរ ទទួលបាន ឈុតថ្នាំច្រាសដុសធ្មេញចំនួន ១.៣៣៨ ប្រអប់ សៀវភៅ ២៤០ក្បាល និងប៊ិចចំនួន ២៤០ ដើម និងសិស្សានុសិស្សម្នាក់ៗទទួលបានសៀវភៅ១ក្បាល ប៊ិច១ ដើម និងឈុតច្រាសថ្នាំដុសធ្មេញ២ ។
សូមបញ្ជាក់ថា នេះគឺជាបេសកកម្មថ្មីមួយទៀត របស់សមាគមTYDA ចុះតាមសាលារៀន ដើម្បីអប់រំសុខភាពទូទៅ ជំងឺមាត់ធ្មេញ និងពិនិត្យព្យាបាលជំងឺមាត់ធ្មេញជូនដល់ក្មួយៗ សិស្សានុសិស្ស។ ជាក់ស្ដែងនៅថ្ងៃនេះ បានអប់រំផ្សព្វផ្សាយអំពីវិធានការនៃការចម្លងជំងឺ កូវីដ-១៩ នឹងអប់រំសុខភាពមាត់ធ្មេញ ជូនដល់សិស្សានុសិស្ស និងលោកគ្រូអ្នកគ្រូសរុបចំនួន៣០១នាក់៕
![](https://dap-news.com/wp-content/uploads/2021/02/A48A675F-32DB-479E-8CEA-D491C8451AAB-1024x682.jpeg)
![](https://dap-news.com/wp-content/uploads/2021/02/1D0C3A37-C73C-49C5-AC0A-C9EB0FAB699D-1024x682.jpeg)
![](https://dap-news.com/wp-content/uploads/2021/02/36230CC2-96EF-4E79-96CB-1C4F752525A6-1024x682.jpeg)
![](https://dap-news.com/wp-content/uploads/2021/02/40DF215C-7D95-4D20-8E3A-36B7B659EB93-1024x682.jpeg)
![](https://dap-news.com/wp-content/uploads/2021/02/CEB1FA90-CFC3-4EB0-9199-9BA92B24AB8C-1024x682.jpeg)
![](https://dap-news.com/wp-content/uploads/2021/02/A385C730-8F9E-44EE-A163-E5031230F9B3-1024x682.jpeg)
![](https://dap-news.com/wp-content/uploads/2021/02/715E1E0A-9CAC-413A-BAEA-315AFCCCF86A-1024x682.jpeg)
![](https://dap-news.com/wp-content/uploads/2021/02/705DE2FF-827D-4011-97BD-664753AEC2FE-1024x682.jpeg)
![](https://dap-news.com/wp-content/uploads/2021/02/FCA7EB7E-D74D-4583-AF1F-0A30571AAD1F-1024x682.jpeg)
![](https://dap-news.com/wp-content/uploads/2021/02/0C905059-A1B6-48D9-807B-1242AC4792C9-1024x682.jpeg)
![](https://dap-news.com/wp-content/uploads/2021/02/4567DD52-66EC-4CCC-A6A1-6BFC32C4396C-1024x682.jpeg)
![](https://dap-news.com/wp-content/uploads/2021/02/EBCFF32C-87C3-4263-97EF-D9C51FEF7B60-1024x682.jpeg)
![](https://dap-news.com/wp-content/uploads/2021/02/AF336224-3EE7-4AAE-A60B-271F73B60032-1024x682.jpeg)
![](https://dap-news.com/wp-content/uploads/2021/02/11C859E2-0A81-44FC-9041-303F60662EB0-1024x682.jpeg)
![](https://dap-news.com/wp-content/uploads/2021/02/7C96A368-F586-414B-B9A0-F752D0986CB7-1024x682.jpeg)
![](https://dap-news.com/wp-content/uploads/2021/02/294C02E6-EC18-499B-AC6D-3DA0E04042E3-1024x682.jpeg)
![](https://dap-news.com/wp-content/uploads/2020/08/1-1.png)