ព័ត៌មានជាតិ

សប្បុរសជន បន្តនាំថវិកានិងសម្ភារ: ប្រគល់ជូនគណៈកម្មការខេត្ត ដើម្បីចូលរួមប្រយុទ្ធប្រឆាំងជំងឺកូវីដ-១៩

កំពង់ចាម ៖ លោក អ៊ុន ចាន់ដា អភិបាល ខេត្តកំពង់ចាម និងជាប្រធានគណៈកម្មការខេត្ត ប្រយុទ្ធប្រឆាំងនិងជំងឺកូវីដ-១៩ នៅព្រឹកថ្ងៃទី ១៣ ខែមេសា ឆ្នាំ២០២១នេះ បានបន្តទទួលអំណោយ ជាថវិកា និងសម្ភារៈ ពីសប្បុរសជន ដើម្បីចូលរួមប្រយុទ្ធប្រឆាំងជំងឺកូវីដ-១៩ ជាពិសេសព្រឹត្តិការណ៍សហគមន៍ ២០ កុម្ភៈ ។

អំណោយដែលបានប្រគល់ជូនគណៈកម្មាធិការខេត្តប្រយុទ្ធប្រឆាំងជំងឺកូវីដ-១៩ នាពេលនេះ មានដូចជា ថវិកាចំនួន ៤ លានរៀល ទឹកក្រូច ៣០កេស ម៉ាសចំនួន ៥០០០ ម៉ាស ទឹកបរិសុទ្ធ ២៦០កេស មីម៉ាម៉ា ១០ កេសធំ និង ១១០ កេសតូច ទឹកបរិសុទ្ធ ១០០យួរ ឃិត ៣០០កញ្ចប់ អង្ករ ១តោន មី ១០០កេស ។

ផ្ទាំងពាណិជ្ជកម្ម

ស្ថិតក្នុងឱកាសនោះ លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្ត ប្រឆាំងជំងឺកូវីដ-១៩ បានថ្លែងអំណរគុណ យ៉ាងជ្រាលជ្រៅ ដល់សប្បុរសជនទាំងអស់ ដែលបានរួមគ្នា នាំអំណោយដ៏ថ្លៃថ្លាទាំងនេះ យកមកផ្ដល់ជូនគណៈកម្មការ ដើម្បីចូលរួមចំណែក ក្នុងការប្រយុទ្ធប្រឆាំងការឆ្លងរាលដាលជំងឺកូវីដ-១៩ នៅពេលនេះ ។

To Top