Covid-19

លោក សយ សុភាព អរគុណ មហាមិត្តចិន ដែលបានជួយហើយជួយទៀត ដល់កម្ពុជា លើបញ្ហា ប្រឆាំងកូវិដ១៩

ភ្នំពេញៈ ក្នុងនាម អតីតសហប្រធាន សមាគមអ្នកសារព័ត៌មាន កម្ពុជា-ចិន លោកសយ សុភាព អគ្គនាយកមជ្ឈមណ្ឌលព័ត៌មានដើមអម្ពិល បានសរសេរសារ ថ្លែងអំណរគុណតាមរយៈបណ្ដាញសង្គម ហ្វេសប៊ុក នៅថ្ងៃអង្គារទី ១៣ ខែមេសាឆ្នាំ ២០២១ ចំពោះមហាមិត្តចិន ដែលបានជួយហើយជួយទៀត ដល់ប្រទេសកម្ពុជា លើបញ្ហាប្រឆាំងកូវីដ១៩។

លោក បានលើកឡើងថា “ខ្ញុំសុំ អរគុណ មហាមិត្តចិនដែលបានជួយហើយជួយទៀត ដល់កម្ពុជាលើ បញ្ហាប្រឆាំងកូវិដ១៩។ អ្នកខ្លះបានជួយតិចតួចជេរផង ប្រដៅផង ញុះឱ្យអតីតមេដឹកនាំបក្ស ប្រឆាំងវៃរដ្ឋាភិបាលគ្រប់កលល្បិចទាំងអស់” ។

ជាមួយគ្នានេះ លោក ក៏បានកោតសរសើរលោកពូ កឹម សុខា ដែលបានរួមចំណែក ក្នុងកិច្ចការដ៏ធំធេងនេះជាមួយរដ្ឋាភិបាល និង ប្រជាជន កម្ពុជា រួមគ្នាប្រឆាំងកូវិដ១៩ដោយទុកបញ្ហាខ្លះនៅមួយឡែក។

អ្នកអត្ថាធិប្បាយព័ត៌មាន មិនសំចៃវោហាររូបនេះ បានបន្តទៀតថា “សង្ឃឹមថាខ្មែររួមគ្នា​ ដោយស្មោះត្រង់ពិតនោះ កូវិដ១៩ និងរលាយសាបសូន្យ មិនដូចអ្នកខ្លះយកឱកាសនេះ​ ឃុបឃិត ជាមួយបរទេសផ្តួលខ្មែរ ដើម្បីមហិច្ឆតា របស់បក្សពួកខ្លួនឡើយ។

លោក សយ សុភាព ថ្លែងដោយម៉ឺងម៉ាត់ ចំពោះអ្នកបង្ករវិទ្ធង្សនា ថា «ប្រយុទ្ធគ្រប់រូបភាព នៃការបំផ្លាញខ្មែរក្រោមលេស «បដិវត្តន៏ចាក់វ៉ាក់សាំង»៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top