ព័ត៌មានជាតិ

សប្បុរសជន បន្តនាំអំណោយ ប្រគល់ជូនគណៈកម្មការខេត្ត ដើម្បីចូលរួមប្រយុទ្ធ ប្រឆាំងជំងឺកូវីដ-១៩

កំពង់ចាម ៖ អភិបាលខេត្តកំពង់ចាម និងជាប្រធានគណៈកម្មការ ខេត្តប្រយុទ្ធប្រឆាំង និងជំងឺកូវីដ-១៩ នៅរសៀលថ្ងៃទី ២១ ខែមេសា ឆ្នាំ២០២១នេះ បានបន្តទទួលអំណោយ ជាថវិកា និងសម្ភារៈ ពីសប្បុរសជន ដើម្បីចូលរួមប្រយុទ្ធ ប្រឆាំងជំងឺកូវីដ-១៩ ជាពិសេសព្រឹត្តិការណ៍ សហគមន៍ ២០ កុម្ភៈ ។

អំណោយដែលបានប្រគល់ ជូនគណៈកម្មាធិការខេត្ត ប្រយុទ្ធប្រឆាំងជំងឺកូវីដ-១៩ នាពេលនេះ មានដូចជាថវិកា ៣.០០០ ដុល្លារ និង ២លានរៀល អាល់កុល ៣កាន មី ៤កេសធំ និង ៣០កេសតូច ម៉ាស ២៥០ប្រអប់ ទឹកបរិសុទ្ធ ២៨០កេស និង៥០០យួរ ទឹកក្រូច ៣០កេស ។

ស្ថិតក្នុងឱកាសនោះ លោក អ៊ុន ចាន់ដា អភិបាលខេត្តកំពង់ចាម និង ជាប្រធានគណៈកម្មការខេត្ត ប្រឆាំងជំងឺកូវីដ-១៩ បានថ្លែងអំណរគុណ យ៉ាងជ្រាលជ្រៅ ដល់សប្បុរសជនទាំងអស់ ដែលបានរួមគ្នា នាំអំណោយដ៏ថ្លៃថ្លាទាំងនេះ យកមកផ្ដល់ជូនគណៈកម្មការ ដើម្បីចូលរួមចំណែក ក្នុងការប្រយុទ្ធប្រឆាំងការ ឆ្លងរាលដាលជំងឺកូវីដ-១៩ នៅពេលនេះ ។

សូមបញ្ជាក់ផងដែរថា តាមរបាយការណ៍ជំងឺកូវីដ១៩ សំរាប់ថ្ងៃទី ២០ ខែមេសា ឆ្នាំ២០២១ របស់រដ្ឋបាលខេត្តកំពង់ចាម មានអ្មកជំងឺកូវ៏ដ១៩ ចំនួន ១០នាក់កំពុងសំរាកព្យាបាលនៅមន្ទីរពេទ្យខេត្ត។
ករណីឆ្លងថ្មីគ្មាន និងជាសះស្បើយ ២នាក់។ អ្នកកំពុងធ្វើចត្តាឡឺសក័ សរុប ៧០៧នាក់ (ស្រី ៣១៩នាក់) នៅសាលាគរុកោសល្យ ៣៥២នាក់ (ស្រី១៤៣នាក់) នៅមន្ទីរពេទ្យស្រីសន្ធរ៥៤នាក់(ស្រី២៤នាក់) និងនៅតាមផ្ទះ ៣០១នាក់(ស្រី ១៥១) ។

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top