Covid-19

លោក ពេជ្រ ស្រស់៖​ អ្នកការពារ​ ខ្ញុំការពារ​ សហគមន៍សុខសាន្ត គ្មានអ្នកស្លាប់ ដោយសារមេរោគ COVID-19

ភ្នំពេញ៖ ស្របពេលដែលស្ថានភាព ឆ្លងរាលដាលជំងឺកូវីដ១៩ ក្នុងសហគមន៍មិនទាន់មាន សញ្ញាថមថយនោះ ប្រធានគណបក្សយុវជនកម្ពុជា លោក ពេជ្រ ស្រស់ បានបន្តអំពាវនាវ ដល់បងប្អូនជនរួមជាតិខ្មែរ ត្រូវប្រឹងប្រែងថែរក្សា ជីវិតរៀងៗខ្លួន កុំឲ្យមេរោគកូវីដ១៩ មកកាត់ផ្ដាច់បានឲ្យសោះ ដោយយើងការពារទាំងអស់គ្នា សហគមន៍សុខសាន្ត គ្មានអ្នកស្លាប់ ដោយសារមេរោគ​ COVID-19 ។

តាមរយៈគេហទំព័រហ្វេសប៊ុក នៅថ្ងៃទី១ ឧសភា ប្រធានគណបក្សយុវជនកម្ពុជា លោក ពេជ្រ ស្រស់លើកឡើងថា​ “បើយើងមិនថែរក្សាជីវិតខ្លួនឯងទេ គឺ គ្មាននរណាម្នាក់មក ថែរក្សាជីវិតយើងឡើយ អ្នកអាចស្រែករកស្បៀង ហើយក៏បានស្បៀងមកហូប ប៉ុន្តែអ្នកមិនអាចស្រែកសុំជីវិត អ្នកពីមច្ចុរាជបានឡើយ ដូច្នេះយើងគ្រប់គ្នា ត្រូវប្រឹងថែរក្សា នូវជីវិតយើងរៀងៗខ្លួន កុំឲ្យមេរោគCOVID19 មកកាត់ផ្តាច់ជីវិត របស់ពួកយើងអី។ អ្នកការពារ ខ្ញុំការពារ សហគមន៍សុខសាន្ត គ្មានអ្នកស្លាប់ ដោយសារមេរោគCOVID-19″។

សូមរំលឹកថាគិតត្រឹមព្រឹក ថ្ងៃទី១ ខែឧសភា ឆ្នាំ២០២១ កម្ពុជាមាន អ្នកឆ្លងកូវីដ១៩សរុប 13790 នាក់, អ្នកជាសះស្បើយ 5200 នាក់, អ្នកកំពុងព្យាបាល 8487 នាក់និងអ្នកស្លាប់ 96 នាក់៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×