ព័ត៌មានជាតិ

ឧកញ៉ា ទៀ វិចិត្រ នាំយកអំណោយ និងថវិកា ឧបត្ថម្ភដល់កម្លាំង កងកាំភ្លើងធំ ឈរជើងបិទខ្ទប់ តំបន់វត្តព្រែកចាក

ភ្នំពេញ៖​ លោកឧកញ៉ា ទៀ វិចិត្រ សមាជិកយុវជនគណបក្ស ប្រជាជនកម្ពុជា ខេត្តព្រះសីហនុ កាលពីរសៀលថ្ងៃទី៥ ខែឧសភា ឆ្នាំ២០២១​ បានចុះសួរសុខទុក្ខ និងនាំយកអំណោយ ថវិកាឧបត្ថម្ភ ដល់កម្លាំង កងកាំភ្លើងធំ ឈរជើងបិទខ្ទប់ តំបន់វត្តព្រែកចាក ដើម្បីទប់ស្កាត់ឆ្លងរីករាលដាលជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ នៅខេត្តព្រះសីហនុ។

ជំនួយនេះ ត្រូវបានប្រគល់នៅគោលដៅផ្លូវចូលរាម ខាងក្រោយសាលាទ័ពជើងទឹក។

លោកវរនាវីទោ សោម ចាន់នី មេបញ្ជាការរងកងកាំភ្លើងធំ តំណាងអោយ កម្លាំងកងកាំភ្លើងធំទាំងអស់ បានថ្លែងអំណរគុណចំពោះ លោកឧកញ៉ា ទៀ វិចិត្រ សមាជិកយុវជនគណបក្ស ប្រជាជនកម្ពុជា ខេត្តព្រះសីហនុ ដែលបានបន្តចូលរួម ចែករំលែកម្ហូបអាហារ និង ថវិកា ជូនកងកម្លាំងប្រចាំការ នៅគោលដៅបិទខ្ទប់ តំបន់វត្តព្រែកចាក ពេលនេះ និងបានឆ្លុះបញ្ចាំង ពីសមានចិត្ត សាមគ្គីភាព រួមសុខទុក្ខ ក្នុងនាមខ្មែរតែមួយ ព្រមទាំងបានជំរុញ ទឹកចិត្តដល់ដល់បងប្អូន កងកម្លាំងប្រចាំនៅគោលដៅ ខិតខំបំពេញការងារ និងភារកិច្ចរបស់ខ្លួន ដោយមិនគិតការនឿយហត់ និងទទួលលទ្ធផលកាន់តែល្អ ប្រសើរបន្ថែមទៀត។

សូមបញ្ជាក់ថា អំណោយដែល លោកឧកញ៉ា ទៀ វិចិត្រ សមាជិកយុវជន គណបក្សប្រជាជនកម្ពុជា ខេត្តព្រះសីហនុ ឧបត្ថម្ភជូនរួមមាន៖ – ទឹកសុទ្ធ 10 កេះ​ – បាកាស 2 កេះ – ម៉ាស 4 ប្រអប់ – កាហ្វេ 3 កញ្ចប់ធំ – មី 1 កេះធំ – ត្រីខ 1 កេះ – ទឹកសុីអុីវ 2 យួរ – ទឹកត្រី 2 យួរ – ស្ករស 1 គីឡូក្រាម – ប៊ីចេង 1 គីឡូក្រាម – ពងទា 50 គ្រាប់ – ថវិការ 1,200,000 រៀល៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top