ភ្នំពេញ៖ រយៈពេល៩ថ្ងៃ នៃយុទ្ធនាការចាក់វ៉ាក់សាំងបង្ការជំងឺកូវីដ១៩ ជូនប្រជាពលរដ្ឋនៅតំបន់ក្រហម នៅរាជធានីភ្នំពេញ ពោលចាប់ពីថ្ងៃទី០១ ដល់ទី០៩ ខែឧសភា ឆ្នាំ២០២១ ក្រសួងការពារជាតិ បានចាក់វ៉ាក់សាំង ជូនបងប្អូនប្រជាពលរដ្ឋបានចំនួន ៣៩៩,៦១៧នាក់ (នារី ២១៤,៤៣៨នាក់)។ នេះបើតាមការបញ្ជាក់ពីនាយឧត្តមសេនីយ៍ ឈុំ សុជាតិ អ្នកនាំពាក្យក្រសួងការពារជាតិ។
![](https://dap-news.com/wp-content/uploads/2021/05/489-1024x682.jpg)
ដោយឡែកក្នុងថ្ងៃទី០៩ ខែឧសភា ឆ្នាំ២០២១ ក្រសួងការពារជាតិ បានចាក់វ៉ាក់សាំងបង្ការជំងឺកូវីដ១៩ ដល់បងប្អូនប្រជាពលរដ្ឋនៅតំបន់ក្រហមចំនួន ៤៨,០៨០នាក់ ក្នុងនោះមាននារី ២៦,១១៨នាក់ផងដែរ។
សូមបញ្ជាក់ថា តាមផែនការ ក្រសួងការពារជាតិ នឹងខិតខំចាក់វ៉ាក់សាំងបង្ការជំងឺកូវីដ១៩ នៅតំបន់ក្រហមឱ្យជាបន្តបន្ទាប់រហូតដល់ បងប្អូនគ្រប់គ្នាបានទទួលវ៉ាក់សាំង ដូច្នេះសូមបងប្អូនប្រជាពលរដ្ឋ នៅតំបន់នេះទាំងអស់ កុំមានការព្រួយបារម្ភ ហើយសូមអនុវត្តវិធានការ៣កុំ និង៣ការពារ ដែលដាក់ចេញដោយរាជរដ្ឋាភិបាល ដើម្បីការពារខ្លួនពីជំងឺកូវីដ១៩៕
![](https://dap-news.com/wp-content/uploads/2020/08/1-1.png)