ព័ត៌មានជាតិ

មីយ៉ាន់ម៉ា បញ្ជូនយន្តហោះ មកដឹកជញ្ជូនពលរដ្ឋខ្លួន ពីកម្ពុជាជាង ១៤០នាក់ ត្រឡប់ទៅវិញ

ភ្នំពេញ ៖ ស្របពេលដែលពលរដ្ឋខ្មែរ ១ក្រុមទៀត បានបញ្ចប់បេសកកម្មការងារ និងជាប់គាំង ក្នុងប្រទេសមីយ៉ាន់ម៉ា ត្រូវបានសម្របសម្រួល ឲ្យវិលត្រឡប់ មកមាតុប្រទេសវិញនោះ ពលរដ្ឋមីយ៉ាន់ម៉ាប្រមាណជាង ១៤០នាក់ ក៏ត្រូវដឹកជញ្ជូនតាមជើងហោះហើរ សង្គ្រោះលើកទី៦ ត្រឡប់ទៅកាន់ប្រទេស កំណើតខ្លួនវិញដែរ ។

បើតាមមន្ត្រីក្រសួងការបរទេសខ្មែរ បានឲ្យដឹងតាមបណ្ដាញ សង្គមតេឡេក្រាម មុននេះបន្តិចថា នៅថ្ងៃទី២៥ ខែមិថុនា ឆ្នាំ២០២១ ស្ថានឯកអគ្គរាជទូតកម្ពុជា ប្រចាំមីយ៉ាន់ម៉ា បានសម្របសម្រួល ជូនប្រជាពលរដ្ឋខ្មែរមួយក្រុមទៀត ដែលបានបញ្ចប់ បេសកកម្មការងារ និងជាប់គាំង នៅក្នុងប្រទេសមីយ៉ាន់ម៉ា ត្រឡប់ទៅប្រទេសកម្ពុជាវិញ តាមជើងហោះហើរសង្គ្រោះ ដែលរៀបចំដោយ រដ្ឋាភិបាលមីយ៉ាន់ម៉ា ដើម្បី ធ្វើ មាតុភូមិនិវត្តន៍ ប្រជាពលរដ្ឋ មីយ៉ាន់ម៉ា ពីប្រទេសកម្ពុជា ។

មន្ត្រីរូបនេះបញ្ជាក់ថា «នេះគឺជាការរៀបចំ ជើងហោះហើរសង្គ្រោះលើកទី៦ ពីប្រទេសមីយ៉ាន់ម៉ា ហើយដែលនឹង ដឹកជញ្ជូនពលរដ្ឋ មីយ៉ាន់ម៉ា ប្រមាណជាង ១៤០នាក់ ពី ប្រទេស កម្ពុជា ត្រឡប់ ទៅកាន់ ប្រទេស មីយ៉ាន់ម៉ាវិញផងដែរ» ។

គិតត្រឹមថ្ងៃទី២៥ ខែមិថុនា ឆ្នាំ២០២១នេះ ស្ថានឯកអគ្គរាជទូតកម្ពុជា បានសហការជាមួយក្រសួងការបរទេសមីយ៉ាន់ម៉ា និងស្ថានឯកអគ្គរដ្ឋទូតមីយ៉ាន់ម៉ា នៅរាជធានីភ្នំពេញ ក្នុងការរៀបចំជើងហោះហើរសង្គ្រោះ ចំនួន ៦លើក និងបានសម្របសម្រួល ក្នុងការរៀបចំជើងហោះហើរឯកជន (Charter Flight) ចំនួន ២លើក ជូនបងប្អូនពលរដ្ឋខ្មែរនៅប្រទេសមីយ៉ាន់ម៉ាសរុបចំនួន ១៨៣នាក់ ក្នុងនោះរួមមានព្រះសង្ឃ ៥០អង្គ និងដូនជី ៣នាក់ ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top