ព័ត៌មានជាតិ

លោក ហើស សិរីធន់ និងលោក តាន់ វុទ្ធា ក្លាយជាទីប្រឹក្សា​ សមាគម អ្នកសារព័ត៌មានកម្ពុជា ចិន

ភ្នំពេញ ៖ សមាគមអ្នកសារព័ត៌មានកម្ពុជា ចិន បានសម្រេចតែងតាំង លោក ហើស សិរីធន់ និង តាន់ វុទ្ធាជាទីប្រឹក្សារបស់សមាគមសម្រាប់អាណត្តិរយៈពេល៥ឆ្នាំ ចាប់តាំងពីថ្ងៃទី៨ ខែកក្កដា ឆ្នាំ២០២១នេះតទៅ ។

ការតែងតាំងនេះ ត្រូវបានចុះហត្ថលេខាទទួលស្គាល់ដោយលោក សយ សុភាព សហប្រធានសមាគមសារព័ត៌មានកម្ពុជា ចិន ខាងកម្ពុជា និង លោក លីវ ស៊ាវគ័ង សហប្រធានសមាគមសារព័ត៌មានកម្ពុជា ចិន ខាងភាគីចិន។

ការតែងតាំងលោកទាំង២ជាទីប្រឹក្សានេះ ក្រោយពីលោក សយ សុភាពដែលគេដឹងថា ធ្លាប់បានកាន់កាប់តំណែង ជាសហប្រធានភាគីខាងខ្មែរ នាគ្រាទើបបង្កើតឡើងកាលពីពាក់កណ្តាលឆ្នាំ២០១៩នោះ ត្រូវបានសមាជិកគណៈកម្មាធិការនាយកទាំង៩នាក់បោះឆ្នោតជាឯកច្ឆ័ន្ទឲ្យធ្វើជាសហប្រធានសមាគមអ្នកសារព័ត៌មានកម្ពុជា-ចិនម្តងទៀត កាលពីថ្ងៃ៥ កក្កដា ។

សមាគមអ្នកសារព័ត៌មានកម្ពុជា ចិនដែលមានអក្សរកាត់ជាភាសាខ្មែរសសកច និងភាសាអង់គ្លេសជា CCJA មានអាយុកាលជាង២ឆ្នាំហើយ ចាប់រាប់តាំងពីថ្ងៃបើកសម្ពោធជាផ្លូវការ កាលពីថ្ងៃទី៦ ខែឧសភា ឆ្នាំ២០១៩ ក្រោមអធិបតីភាពលោក ខៀវ កាញារីទ្ធ រដ្ឋមន្រ្តីក្រសួងព័ត៌មាន និងលោក Zuo Wenxing ទីប្រឹក្សានយោបាយនៃស្ថានទូតចិនប្រចាំកម្ពុជា ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×