ព័ត៌មានជាតិ

លោកគយ ឈួន សោភា មិនទាន់បាត់ ក្លិន (ទាហានចង ក ធ្វើអត្តឃាត) ផង មកបន្ថែមភាព សំអប់ ដាក់ទាហានទៀត! (Video)

ភ្នំពេញ៖ ឧត្តមសេនីយ៍ទោ ដោក សារាំ មេបញ្ជាការ រងបញ្ជាការដ្ឋាន អគ្គបញ្ជាការ ប្រចាំការនៅទីបញ្ជាការទិសទី១ ប្រាសាទព្រះវិហារ (បច្ចុប្បន្នឈរជើង នៅកងពលតូចលេខ៨ ) បានឲ្យដឹងថា លោកបានចូលបំរើកងទ័ពនៅថ្ងៃទី ១០ ខែតុលា ឆ្នាំ ១៩៨០ ( អតីតរដ្ឋកម្ពុជា) ជាង៤១ឆ្នាំ មកហើយ ផ្នែកជីវភាពរស់នៅ មិនសូវជាធូរធារនោះទេ ។

ឧត្តមសេនីយ៍ទោ ដោក សារាំ ត្រូវបានបណ្តាញ ព័ត៌មានក្នុងស្រុក ដកស្រង់ សម្តីថា៖ ដោយខ្ញុំបាទ ប្រចាំការនៅទិសទី១ ចាប់តាំងពីមានជម្លោះ ជាមួយទាហានថៃ មកដល់បច្ចុប្បន្ននេះ មានការខ្វះខាតមធ្យោបាយ ធ្វើដំណើរ ដើម្បីបំពេញភារកិច្ច ជូនអង្គភាព និងជូនថ្នាក់លើ ឲ្យបានល្អ និងទាន់ពេលវេលា ខ្ញុំបាទបានពិភាក្សា ជាមួយក្រុមគ្រួសាររកថវិកា ដែលសល់ពីការ ផ្គត់ផ្គង់ជីវភាពប្រចាំថ្ងៃ និងខ្ចីពីធានាគារខ្លះ បូករួមគ្នា បានជាង១៥.០០០ (មួយម៉ឺនប្រាំពាន់)ដុល្លារ ទិញរថយន្ត១ គ្រឿងចង្កូតស្តាំ ជារថយន្តខុសនិងច្បាប់រដ្ឋ មកដាក់ក្នុងអង្គភាព បានធ្វើប័ណ្ណសំគាល់យានយន្តរួច នៅអគ្គនាយកដ្ឋាន បច្ចេកទេស ក្រសួងការពារជាតិ និងបង់ពន្ធប្រចាំឆ្នាំ២០២១ និង ឈៀករថយន្តឆ្នាំ២០២១ រួចផងដែរ ។

មិនទាន់ និង បានជិះបំរើការងារ ជូនអង្គភាព និងជូនថ្នាក់លើ ស្រួលបួលផង ស្រាប់តែនៅថ្ងៃទី២៣ ខែកក្កដា ឆ្នាំ២០២១ ខ្ញុំបាទបានសុំការអនុញ្ញាតច្បាប់ មកស្រុក ដើម្បីយក ប្រពន្ធមកពិនិត្យភ្នែក និងជំងឺផ្សេងៗ នៅក្រុងសេរីសោភ័ណ្ឌ ខេត្តបន្ទាយមានជ័យ ដោយគ្រងឯកសណ្ឋានជាស៊ីវិល កំពុងចតរថយន្ត ក្បែរចិញ្ចើមផ្លូវជាតិ លេខ៦ ស្រាប់តែមានកម្លាំងចំរុះ របស់លោក ឈួនសោភា ប្រធានគយតំបន់៥ មកចាប់រថយន្ត នាំទៅកន្លែងគយ ដើម្បីត្រួតពិនិត្យឯកសាររថយន្ត តែបែរជា អោយខ្ញុំរើឥវ៉ាន់ចុះ ហើយមិនបានពិនិត្យមើលឯកសារ រថយន្តដែលពាក់ព័ន្ធ ភ្ជាប់មកជាមួយរថយន្ត ហើយបែរជាធ្វើរបាយការណ៍ បញ្ជូនទៅថ្នាក់លើ រួចអោយខ្ញុំនិងគ្រួសារ ត្រឡប់មកផ្ទះវិញ ដោយប្រគល់កំណត់ហេតុរបស់គយ អោយមកខ្ញុំ មួយច្បាប់ ។

គួររំលឹកផងដែរ ទាហានម្នាក់ បានធ្វើអត្តឃាត សម្លាប់ខ្លួន ដោយចងក ដោយសារ តែមន្រ្តីគយ ចាប់រថយន្តរបស់ខ្លួន អត់ពន្ធ ផងដែរ។ ទាហានរូបនោះ បានបន្សល់ទុក នូវការរៀបរាប់ និងឈឺចាប់ ចំពោះ ជោគវាសនាខ្លួន ដែលលះបង់គ្រប់បែបយ៉ាង ដើម្បីបំរើជាតិ តែទីចុងបំផុត មន្រ្តីគយក្រោមការ បញ្ជារបស់លោក ឈួនសោភា ប្រធានគយតំបន់៥ គ្មានមេត្តា។

យ៉ាងណាក៏ដោយ មជ្ឈដ្ឋានទូទៅ រង់ចាំមើលបន្តទៀត ថា រឿងរ៉ាវនេះ នឹងទៅជាបែបណា?៕

To Top