ព័ត៌មានជាតិ

ស្នងការខេត្តព្រះសីហនុ កោតសរសើរទឹកចិត្ត ឧកញ៉ា ទៀ វិចិត្រ ចំពោះការជួយដឹកពលរដ្ឋ មានជំងឺត្រូវការធ្វើដំណើរ​ ពីកោះមកដីគោក

ភ្នំពេញ៖ តាមរយៈសំណេរ​ ក្នុងវេសប៊ុកផ្លូវការរបស់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានថ្លែងអំណរអរគុណ យ៉ាងជ្រាលជ្រៅ​ ចំពោះទឹកចិត្ត របស់លោកឧកញ៉ា ទៀ វិចិត្រ សមាជិកក្រុមការងារយុវជន គណបក្សប្រជាជនកម្ពុជា ខេត្តព្រះសីហនុ ដែលតែងតែជួយទុក្ខធុរៈ ដល់ប្រជាពលរដ្ឋ ជាបន្តបន្ទាប់កន្លងមក ជាពិសេសសម្រាប់ពលរដ្ឋរស់នៅលើកោះ ដែលមានបញ្ហាសុខភាព ត្រូវការសង្គ្រោះបន្ទាន់ ។

ចំពោះសកម្មភាព​ ដែលនាំអោយមានការរកោតសរសើរ ពីស្នងការនគរបាល ខេត្ត​ព្រះសីហនុរូបនេះ ​បន្ទាប់ពីលោកឧកញ៉ា ទៀ​​ វិចិត្រ តែងតែចាត់ក្រុមការងារសង្គ្រោះ និងអូប័រល្បឿនលឿន របស់ក្រុមហ៊ុន GTVC ចេញដំណើរទៅទទួល អ្នកដែលមានបញ្ហាសុខភាព ត្រូវការសង្គ្រោះ នៅមន្ទីរពេទ្យបង្អែក ដោយមិនថាថ្ងៃឬយប់ តែងតែប្រតិបត្តិការភ្លាមៗ និងទាន់ពេលវេលា ។

លោកឧត្តមសេនីយ៍ទោ ស្នងការនគរបាលខេត្តព្រះសីហនុ បានបន្ថែមថា ថ្មីៗនេះមន្ត្រីនគរបាលមួយរូប នៅក្រុងកោះរ៉ុង ដែលជួបបញ្ហាសុខភាពធ្ងន់ធ្ងរ លោកឧកញ៉ា ទៀ វិចិត្រ ក៏បានចាត់ចែង បញ្ជូនអូបរ័ពេទ្យទៅជួយដឹក យកមកមន្ទីរពេទ្យភ្លាមៗ ទាំងយប់ផងដែរ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top