ព័ត៌មានជាតិ

លោក សយ សុភាព ៖ គ្មានការចរចាទេ ព្រោះបានពុះចែកគ្នាដាច់ម្ខាងចិន ម្ខាងអាមេរិក (Video)

ភ្នំពេញ ៖ ប្រធានសមាគមអ្នកសារព័ត៌មានកម្ពុជា-ចិនលោក សយ សុភាព បានលើកឡើងពីភូមិសាស្រ្តនយោបាយនៅកម្ពុជាថា “គ្មានទេការចរចា ហើយបានពុះចែកគ្នា ដាច់ម្ខាងចិន ម្ខាងអាមេរិក”។

លោកថា “មូលហេតុគ្មានការចរចាដោយសារ ខ្មែរជាស្ថាបនិកបង្កើតប្រ៊ីជាមួយចិនឆ្នាំ២០១៣ ហើយអ្នកប្រឆាំងនយោបាយប្រ៊ីដោយប៉ុន្នានថ្ងៃនេះ យកវេទិកាជួបជុំវាយប្រហារចិនសម្បើមណាស់ និងអ្នកកាន់អំណាច នៅភ្នំពេញពីសហរដ្ឋអាមេរិក” ។

លោក សយ សុភាពបន្តថា លោកធ្លាប់បាននិយាយហើយ អាមេរិកបាននិងកំពុងប្រឆាំងចិន និងសម្ព័ន្ធមិត្តរបស់ចិន ហើយកំពុងរិះរកធម្យោបាយដោះដូរ ក្រោយពីគម្រាមលែងខ្លាច។

ផ្ទាំងពាណិជ្ជកម្ម

លោកឲ្យដឹងទៀតថា ប្រវត្តិសាស្ត្រ អាមេរិកបណ្តុះបណ្តាលលោក សម សារី ឪពុក លោក សម រង្ស៊ីឲ្យប្រឆាំងសម្តេចសីហនុ ដូច្នេះនយោបាយអាក្រក់បែបនេះ បាននិងកំពុងបន្ត។

លោកបន្ថែមថា “ដូច្នេះ ប្រ៊ី និងឥណ្ឌូប៉ាស៊ីហ្វិក ប្រៀបដូចទឹក និងប្រេង។ ហេតុនេះ ម្ខាងចិន ម្ខាងអាមេរិកពិតជាគ្មានការចរចាទេ ហើយក៏គ្មានវិបត្តខ្មោចអីដែរ។ ពេលនេះអាមេរិកមិនមែនបងធំ ឬជើងកាងពិភពលោកទេ” ។

ការលើកឡើងរបស់លោកនេះ បន្ទាប់ពីលោក សម រង្ស៊ីបានអត្ថាធិប្បាយពីសហរដ្ឋអាមេរិក ពីការចូលរួមពីសំណាក់សម្តេចតេជោ ហ៊ុន សែន ផ្ទាល់ ក្នុងកិច្ចពិភាក្សាផ្ទៃក្នុង របស់គណបក្សសង្គ្រោះជាតិ តាមប្រព័ន្ធអ៊ីនធើណេត (Zoom) កាលពីថ្ងៃ ៩ កញ្ញា ២០២១” ។ ក្នុងន័យនេះ លោកសម រង្ស៊ីចង់បង្ហាញខ្លឹមសារនៃការចរចាគ្នា ៕

To Top