ភ្នំពេញ៖ កម្លាំងសមត្ថកិច្ចនគរបាលជំនាញ នៃមន្ទីរប្រឆាំងបទល្មើសគ្រឿងញៀន ក្រសួងមហាផ្ទៃ កាលពីថ្ងៃទី៣១ ខែតុលា ឆ្នាំ២០២១ បានចុះបង្ក្រាបករណីកែច្នៃ ជួញដូរគ្រឿងញៀន និងបានចាប់ខ្លួនជនសង្ស័យ ជាជនជាតិ និង ខ្មែរ ចំនួន២នាក់ ព្រមទាំងរឹបអូសគ្រឿងញៀនបានជិត ៦០គីឡូក្រាម នៅរាជធានីភ្នំពេញ។
សមត្ថកិច្ចនគរបាលប្រឆាំង បទល្មើសប្រឆាំងគ្រឿងញៀន បានអោយដឹងថា ជនសង្ស័យទាំង ២នាក់ ខាងលើនេះ មានឈ្មោះ ៖ ទី ១-ឈ្មោះ ង្វៀង វីងទី ភេទប្រុស អាយុ ២៦ឆ្នាំ ជនជាតិ វៀតណាម ។ ២-ឈ្មោះ ហេង គឹមហេង ភេទប្រុស អាយុ ២៥ឆ្នាំ ជនជាតិខ្មែរ ។
ចំណែកឯ វត្ថុតាងចាប់យកបាន រួមមាន៖
-មេតំហ្វេតាមីន (ICE) ទម្ងន់សុទ្ធ ៣.៥១ក្រាម ។
-កេតាមីន (KETAMIN) ទម្ងន់សុទ្ធ ៥០.៤២ក្រាម ។
-អ៊ិចស្តាស៊ី (MDMA) ទម្ងន់សុទ្ធ ១គ.ក្រ ៥១៧.៣២ក្រាម ។
-មេកាទីណូន (METHCATHINONE) ទម្ងន់សុទ្ធ ៤៦ គ.ក្រ ៧៧៤ក្រាម ។
សរុបរួម ទម្ងន់ ៤៨ គ.ក្រ ៣៤៥.២៥ក្រាម ។
សារធាតុផ្សំ (មិនច្បាស់) ៦ គ.ក្រ ២១៤.៣៦ ក្រាម ។
បច្ចុប្បន្ននេះ ជនសង្ស័យ និងវត្ថុតាងខាងលើ ត្រូវបានកម្លាំងសមត្ថកិច្ចនគរបាល បានកំពុងតែកសាងសំណុំរឿង ដើម្បីបញ្ជូនទៅ សាលាដំបូងរាជធានីភ្នំពេញ ចាត់ការបន្តតាមនីតិវិធី ៕
ដោយ រស្មី អាកាស
