ភ្នំពេញ៖ ក្នុងឱកាសអបអរសាទរ ពិធីឆ្លងឆ្នាំសកល ២០២១-២០២២ ចាប់ពីម៉ោង៦រសៀលដល់ម៉ោង១២យប់ នៅក្នុងតំបន់ទេសចរណ៍ភូមិព្រៃស្នួល មានបងប្អូនប្រជាពលរដ្ឋ ប្រមាណជិត១ពាន់នាក់ ចូលរួមរាំលេងកម្សាន្ដ និងទស្សនាការបាញ់កាំជ្រួញ ដែលមិនធ្លាប់មានសម្រាប់ភូមិមួយនេះ។
សូមរំលឹកថា កាលពីពេលកន្លងទៅថ្មីៗនេះ ភូមិព្រៃស្នួល ក៏បានរៀបចំនូវកម្មពិធី បុណ្យអុំទូក អកអំបុក បណ្ដែតប្រទីត និងសំពះព្រះខែ ដែលទទួលបានអ្នកចូលរួមកម្សាន្ត ជាង៣ពាន់នាក់ផងដែរ។
![](https://dap-news.com/wp-content/uploads/2022/01/763-1024x768.jpg)
នេះជាកម្មពិធីទី២ហើយ សម្រាប់ប្រជាពលរដ្ឋ ក្នុងភូមិព្រៃស្នួល ក្នុងការរៀបចំកម្មពិធីឡើង ដើម្បីកែប្រែមុខមាត់ ភូមិឃុំ ដែលធ្លាប់តែស្ងប់ស្ងាត់ និងជាតំបន់មួយដាច់ស្រយាល មកជាភូមិរវល់ តាមរយៈការបង្កើតនូវតំបន់ទេសចរថ្មីមួយ ដែលមានទីតាំងនៅមិនឆ្ងាយពី ភ្នំជីសូរ ប៉ុន្មាននោះទេ ។
![](https://dap-news.com/wp-content/uploads/2022/01/757-1024x768.jpg)
សូមបញ្ជាក់ថា តំបន់ទេសចរណ៍ភូមិព្រៃស្នួល នឹងរៀបចំនូវកម្មពិធីសប្បាយជាច្រើនទៀត នាពេលខាងមុខ ៕
![](https://dap-news.com/wp-content/uploads/2022/01/759-1024x768.jpg)
![](https://dap-news.com/wp-content/uploads/2022/01/758-1024x768.jpg)
![](https://dap-news.com/wp-content/uploads/2022/01/760-1024x768.jpg)
![](https://dap-news.com/wp-content/uploads/2022/01/762-1024x768.jpg)
![](https://dap-news.com/wp-content/uploads/2022/01/755-1024x768.jpg)
![](https://dap-news.com/wp-content/uploads/2020/08/1-1.png)