ភ្នំពេញ ៖ អង្គការមូលនិធិថែទាំសុខភាព អ្នកជំងឺអេដស៍ (AHF) ប្រចាំកម្ពុជា នៅថ្ងៃទី៦ ខែមីនា ឆ្នាំ២០២២ បានរៀបចំទិវាអន្តរជាតិនារី (IWD) ឆ្នាំ២០២២ ក្រោមប្រធានបទ «បញ្ឈប់ភាពលំអៀងលើស្ត្រី» ដើម្បីបំបាត់ភាពមិនច្បាស់លាស់ ការមាក់ងាយ ការលាបពណ៌ និងការរើសអើង ដែលរារាំងស្ត្រី និងកុមារី ទូទាំងពិភពលោក។
នាឱកាសនោះដែរ កញ្ញា ផល ដារី តំណាងក្មេងស្រីសហគមន៍ បានអំពាវនាវ ដល់មនុស្សភាគច្រើននៅក្នុងសង្គម សូមបញ្ឈប់ការគិតថា បុរសមានភាពលេចធ្លោជាងស្ត្រី ហើយតែងតែគិតថា ស្រី្ដមិនអាចធ្វើអ្វីបានដូចបុរសនោះ។ សូមផ្តល់ឱកាសអាទិភាពសម្រាប់ស្ត្រី និងក្មេងស្រី ដើម្បីឲ្យពួកគេមានឱកាសពង្រីកសមត្ថភាពរបស់ខ្លួន ដោយមនុស្សស្រី ក៏អាចសមត្ថភាពលូតលាស់ច្រើនជាង ឬស្មើបុរស។ កញ្ញា ថា «សូមទាំងអស់គ្នា រួមគ្នាផ្តល់ឱកាសឲ្យស្រ្តី និងក្មេងស្រីឲ្យដូចជាបុរស»។
ឆ្លៀតឱកាសនោះ លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ី នៃអង្គការ AHF បានថ្លែងថា ទិវាអន្តរជាតិនារីឆ្នាំ២០២២ បានរៀបចំឡើង នៅក្នុងប្រទេសជាច្រើន នៃប្រតិបត្តិការរបស់ AHF នឹងបានធ្វើយុទ្ធនាការប្រព័ន្ធផ្សព្វផ្សាយក្នុងសង្គម ដែលមានស្ត្រីជោគជ័យ មកពីគ្រប់ការិយាល័យទូទាំងពិភពលោក។ រឿងដ៏គួរឱ្យកោតសសើរពីដំណើរផ្ទាល់ខ្លួនរបស់ពួកគេ ដោយបានបង្ហាញពីរបៀបពួកគេបានធ្វើការ ដើម្បីបញ្ឈប់ភាពលំអៀង ជំនះឧបសគ្គ និងជោគជ័យក្នុងជីវិតរបស់ពួកគេ។
លោកវេជ្ជបណ្ឌិត បានបន្ដថា AHF មានកិត្តិយសដែលមានស្ត្រីដ៏អស្ចារ្យបែបនេះ នៅក្នុងទីតាំងប្រតិបត្តិការរបស់AHF តាមរយៈការចែករំលែក ផ្ទាល់ខ្លួនមួយចំនួន ដែលគួរឲ្យកោតសរសើរ និងផ្តល់អំណាចរបស់ពួកគេ នៅថ្ងៃទិវាអន្តរជាតិនារី ដែលកំពុងបង្ហាញ ពីរបៀបការតស៊ូ និងភាពក្លាហាន បាននាំឲ្យមានការបញ្ឈប់ភាពលំអៀង បង្កគ្រោះថ្នាក់ក្នុងជីវិតរបស់ពួកគេ នាំមកនូវការផ្លាស់ប្តូរជាវិជ្ជមាន ក្នុងសហគមន៍ និងជីវិតរបស់មិត្តភក្តិ និងក្រុមគ្រួសារ។
ដោយឡែក លោកស្រី Terri Ford នាយកផ្នែកតស៊ូមតិសកល និងគោលនយោបាយអង្គការ AHF បានលើកឡើងថា ខណៈពេលដែលឥទ្ធិពលនៃ COVID-19 បានធ្លាក់ចុះនៅក្នុងប្រទេស អ្នកមានមួយចំនួន ជំងឺរាតត្បាត នៅតែបង្កើតភាពលំបាកមិនសមាមាត្រ សម្រាប់ស្ត្រី ជាពិសេសនៅក្នុងប្រទេសកំពុងអភិវឌ្ឍន៍។ ឥឡូវនេះលើស ពេលណាទាំងអស់ ត្រូវធ្វើការដើម្បីបញ្ឈប់ភាពលំអៀង ដើម្បីធានាថា ស្ត្រីមានអ្វីៗទាំងអស់ ដែលពួកគេត្រូវការ ដើម្បីទទួលបានជោគជ័យ រួមទាំងការទទួលបាន ការថែទាំ សុខភាព ការអប់រំ និងការងារស្មើៗគ្នា។
សូមបញ្ជាក់ថា អង្គការមូលនិធិថែទាំសុខភាព អ្នកជំងឺអេដស៍ (AHF) ជាអង្គការប្រយុទ្ធនឹងជំងឺអេដស៍ ធំជាងគេបំផុតនៅលើពិភពលោក ដោយបច្ចុប្បន្នអង្គការ កំពុងផ្តល់ការថែទាំ បែបវេជ្ជសាស្ត្រ ឬសេវាកម្មដល់មនុស្សជាង ១លាន ៥សែននាក់ នៅក្នុង ៤៥ប្រទេសទូទាំងពិភពលោក ដូចជា៖ នៅសហរដ្ឋអាមេរិក អាហ្រ្វិក អាមេរិកឡាទីន ការ៉ាបៀន តំបន់អាស៊ីប៉ាស៊ីហ្វិក និងអឺរ៉ុបខាងកើត ផងដែរ៕
